Polísia Prende Kilat no Fogete iha Mikrolet Laran

by -205 views
Objetu ne'ebe PNTL prende. Foto Espesial

Maliana (Timor Post)—Polísia Nasionál Timor Leste (PNTL) Komandu Munisípiu  Bobonaro liuhusi ekipa Alfa Forsa Rezerva prende kilat anin no fogete iha karreta mikrolet ida nia laran iha área fronteira ho Indonézia.

Fó sai iha pájina offisial SRP, Komandante Komandu Munisípiu Bobonaro, Superintendente António Mauluta haktuir, sasan hirak ne’ebé prende liuhusi pasa revista ba transporte publiku sira ne’ebé halo movimentu tama sai fronteira.

Komandante Komandu Munisípiu Bobonaro, Superintendente António Mauluta

“Ita nia membru PNTL husi ekipa Alfa Forsa Rezerva, lidera husi Ajente Xefe Angelino Barros, hamutuk ho membru na’in-3 hala’o patrullamentu la’o ain ba área Tunubibi no deskunfia karreta mikrolet ida ho numeru matrikula 35.604 tula sasan ilegal,” Mauluta haktuir.

Nune’e nia haututan, ekipa sira hapara karreta refere hodi halo buska no konsege prende kilat manu marka sharp tiger hamutuk lolon 8 no fogete hamutuk kaixa-3 iha karreta laran.

Foto Espesial

Mauluta, esplika nia parte asegura ona objetu sira ne’e iha Komandu Munisípiu Bobonaro inklui motorista timoroan ida ho naran inisial AdA, hodi kontinua prosesu investigasaun. (cao)

No More Posts Available.

No more pages to load.