Polisia Konsege Kaptura Ona Suspeitu Na’in Lima Sona Membru F-FDTL Foun

by -7.373 views
suspeitu na’in rua ne'e polisia detein hela iha sela polisia, Kaikoli, enkuantu suspeitu na’in rua seluk polisia sei buka tuir. Foto Esp

(Reportajen Jaime Pires/Editor Mateus da Cruz)

Dili (Timor Post)—Ekipa Polisia Nasionál Timor Leste kompostu hosi  Polísia Nasionál Servisu Investigasaun Kriminal (PNSIK), Servisu Intelijensia Militár (SIM), Servisu Intelijensia Polísia (SIP) no Polísia Militár (PM) konsege kaptura ona suspeitu na’in lima deskunfia envolve iha sona membru F-FDTL foun, na’in lima ne’e kompostu hosi feto na’in tolu no mane na’in rua, no sei iha tan na’in rua seluk polisia sei buka tuir.

Suspeitu na’in lima ne’ebé maka polisia kaer iha kalan ne’e lori kedas ba halo investigasaun iha edifisiu (PNSIK) Kaikoli, hafoin halo identifikasaun no investigasaun, sira husik fali ona Feto na’in tolu enkuantu Mane na’in rua detein hela iha Sela Polisia Kaikoli.

Iha kapturasaun ne’e polisia konsege sita sasan kroat sira hanesan rama ambon tolu no tudik ida.

Daudaun ne’e ekipa vizilansia PNSIK, SIM, SIP hamutuk ho Polísia Militár (PM), kontinua buka nafatin suspeitu na’in rua seluk. (Lee notísia seluk iha jornál Timor Post/asesu you tube Timor Post)

 

No More Posts Available.

No more pages to load.