Polísia Kaptura Ona Suspeitu Espalla Informasaun Tuda Bus Lospalos – Manatutu

by -6.927 views
Suspeitu na'in rua tur hela iha kadeira hafoin kaptura hosi polisia tanba lansa informasaun atu tuda bus Lospalos no Manatutu, Sabadu ne'e, Imajen Esp

(Reportajen Jaime Pires/Editor Mateus da Cruz)  

DILI (Timor Post)- Komandu Polísia Nasionál Timor-Leste (PNTL), liuhusi Servisu Investigasaun Kriminál, kaptura ona suspeitu ne’ebé mak lansa informasaun atu tuda Bus Lospalos no Manatutu.

“Suspeitu ne’e dezde espalla informasaun ita buka tuir no ohin dadeer ita identifika, ita nia Servisu Investigasaun Kriminál ba kaptura iha Hali-Dolar Hera, Postu Administrativu Kristu-Rei, Munisípiu Dili,” deklara Portavós Komandu Jerál PNTL, Superintendente Xefe Armando Monteiro ba jornalista sira iha, Kuartél Jerál PNTL, Kaikoli, Sábadu (23/04).

Lee Notisia Relevante : PNTL Sei Kaptura Autór ID Falsu Espalla Informasaun Tiru Lider Na’in Rua

Nia hatete, suspeitu na’in rua maka ohin kaptura ona no sei hela tan suspeitu na’in 5 maka polísia sei kontinua identifika hela no sei kaptura hodi lori ba prosesu investigasaun.

“Autór prinsipál ne’ebé mak kaptura ne’e ida ho naran inisiál PHM, idade 26 no ida seluk naran inisiál (AM) idade 40, ne’ebé daudaun ne’e kontinua prosesu investigasaun, atu detein ka la’e ne’e depende ba orasida rezultadu investigasaun,” nia hatete.

Suspeitu na’in rua hamutuk ho na’in lima seluk, sira ne’e halo grupu hodi espalla informasaun ida ne’e, hodi hata’uk komunidade sira.(Lee Notísia Seluk Iha Jornál Timor Post/Asesu You Tube Timor Post)

No More Posts Available.

No more pages to load.