Polísia Kaptura  ona Inan So’e Bebé iha Turiskai

by -387 views
Ilustrasaun

Jornalitsa Luis Casimiro Lopes / Editór Noémio Falcão

Manufahi (Timor Post)—Komandu Polisía Nasionál Timor Leste (PNTL) Munisípiu Manufahi liuhusi Esquadra Postu Administrativu Turiskai, kaptura ona inan ida ne’ebé komete kazu infantesidu so’e bebé iha loron 27/08/2021.

Polísia kaptura inan-feton ho inisiál MJF ho idade 23 iha loron 30/08/2021 hela besik fatin so’e bebé, iha Aldeia Sara Mata, Suku Manu Mera-Turiskai.

Komandante Polísia Munisipál, Superintendente Xefe Joni Viana das Regras haktuir, liu tiha loron rua maka komunidade sira hetan bebé nia isin mate bainhira asu dada hela. Nune’e, nia dehan, polísia halo kedas investigasaun tama sai uma no konsege kaptura ema ne’ebé so’e.

“Ho pasa revista ne’e ekipa polísia konsege hetan duni suspeitu no agora ita submete ona ba prosesu investigasaun,” Komandante Joni konfirma ba Jornalista sira iha kna’ar fatin.

Bebé nia isin mate submete ona ba autópsia no investigasaun kontinua la’o.

Fo hanoin mós katak, Turiskai vizinu kedas ho Suku Manelobas, Postu Administrativu Maubisse, Munisípiu Ainaro. Iha semana hirak liu ba, kazu so’e bebe mós akontese iha Manelobas maibé to’o agora polísia la konsege hetan inan ne’ebé so’e.

No More Posts Available.

No more pages to load.