Polísia Kaptura Membru PSHT Na’in-117 iha Dili

by -232 views
Imajen ne'e hatudu membru sira ne'ebe hetan kapturasaun. Foto TP; Jaime Pires

Jornalista Jaime Pires / Editór Noémio Falcão

DILI (Timor Post)— Polísia Nasionál Timor-Leste (PNTL), Munisípiu Dili kaptura membru arte-marsiál Persaudaran Setia Hati Terate (PSHT) hamutuk na’in-117 Aldeia Mudu Perdidu, Suku Maneluana, Postu Administrativu Don Aleixo, Munisípiu Dili.

Kapturasaun ne’e hala’o iha loron Kuarta (08/09/2021) madrugada, tanba membru sira festeja susesu ba hasa’e sintu iha Atambua no kontra medida serka sanitária no konfinamentu obrigatóriu ne’ebé sei aplika hela iha Munisípiu Dili.

Kapturasaun ne’e lidera direta husi Komandante Polísia Munisípiu Dili, Superintendente Xefe Henrique da Costa.

Polísia prende mós sasan evidénsia sira inklui motorizada hamutuk-92 no karreta 3.

Membru sira ne’ebé kapturadu kompostu husi mane na’in-93 no feto na’in-23.

Observasaun Timor Post iha terrenu haktuir, polísia lori membru hirak ne’e ba halo investigasaun iha Komandu PNTL Munisípiu Dili. No ekipa médiku husi Sentru Integradu Jestaun Krize (SIJK) halo kedas teste swab hodi identifika moras daet Covid-19 ho variante Delta.

No More Posts Available.

No more pages to load.