Polísia Kaptura Membru KPK husi Manatuto iha Fronteira

by -2.003 views

Jornalista Jaime Pires / Editór Noémio Falcão
Dili (Timor Post)—Polísia Nasionál Timor-Leste (PNTL) liuhusi Unidade Patrullamentu Fronteira (UPF), kaptura membru Konsellu Polisiamentu Komunitária (KPK) ho inisiál AMS tinan 54 husi Munisípiu Manatuto iha Mota-Ain tanba tenta hakat illegal ba Atambua-Indonézia.

Kapturasaun ne’e hala’o bainhira UPF lideradu Superintendente Polísia Euclides Belo halo vizilánsia iha pilar haat area Mota-Ain, Postu Administrativu Maliana, Munisípiu Bobonaro, loron Domingu (05/12/2021).

“Tuku 6 dader ne’e membru sekreta Unidade Patrullamentu Fronteira halo vizilansia iha pilar 4 Mota-Ain, konsege kaptura joven mane na’in-ida ne’ebé ho intensaun atu tama ilegal liuhosi area fronteira ba Indonézia,” Euclides ba Timor Post via telefone.

Membru KPK ne’e hala’o kna’ar KPK iha Suku Bebonuk, Postu Administrativu Don Aleixo, Munisipiu Dili.

No More Posts Available.

No more pages to load.