Polísia Kaptura Membru KORK Na’in-66 no Duni Tuir Funsionáriu no Xefe Aldeia Ida iha Manufahi

by -166 views

MANUFAHI—Polísia Nasionál Timor Leste (PNTL) Munisípiu Manufahi, kaptura tiha ona ema hamutuk na’in-66 inklui feto na’in-rua iha Aldeia Turon, Suku Babulo, Postu Administrativu Same, Munisípiu Manufahi bainhira partisipa iha seremonia ritual hasa’e sabuk (sintu) iha arte-marsiál Kmanek Oan Rai Klaran (KORK).

Kapturasaun ne’e hala’o iha loron Kuarta (15/07/2020) maizumenus liu tuku 13 OTL.

Hafoin kaptura ema na’in-66 ne’e, polísia kontinua duni tuir funsionáriu no xefe aldeia Turon ne’ebé partisipa mós iha serimónia ritual ne’e maibé bainhira polísia to’o iha fatin sira halai lakon tiha.

Observasaun Timor Post haktuir, ema na’in-66 ne’e maioria ho otas joven. Iha kapturasaun ne’e polísia konsege prende sasan evidénsia sira inklui farda arte-marsiál, sabuk no tudik.

Hafoin kaptura polísia tula kedas ema na’in-66 ba karreta pollísia nian ho sasan evidénsia sira lori ba kuartel.

To’o notísia ne’e públika Timor Post seidauk konsege entrevista ho parte polísia no autoridade husi arte-marsiá nian.

Jornalista: Luis Casimiro Lopes

No More Posts Available.

No more pages to load.