Polísia Forensik Kontinua Investiga Motivu Valdo Tara An iha Merkadu Taibesi

by -1.424 views
Matebian Valdo Silva

(Reportajen Jaime Pires/Editor Mateus da Cruz)

DILI (Timor Post)-Populasaun iha Taibesi, ohin madrugada hakfodak hetan joven mane ida tara aan iha Merkadu Taibesi. Joven ne’e identifikadu ho naran Valdo Sila, naturalidade Rejiaun Administrative Espesiál Oe-Kusi Ambeno.

“joven ne’e, tara-an ohin madrugada, agora ita nia PNTL, ekipa Forensik no polísia investigasaun iha hela terenu hodi sukat no halo investigasaun,” dehan Komandante PNTL Munisípiu Dili, Superintendente Xefe, Henrique da Costa, ba Timor Post, Kuarta ne’e (20/04).

Nia hatete, tanba kazu ne’e sei iha hela prosesu investigasaun nune’e nia parte seidauk bele hatene motivu husi tara-an, maibé bainhira prosesu  investigasaun remata ona maka foin bele fó sai ba públiku.

“Nia motivu ka kronolojia ne’e ita nia ekipa sei iha terenu hodi halo prosesu, agora relatóriu seidauk simu, relatoriu tama mak bele fó sai ba públiku,” dehan Henrique.

Iha sorin seluk Timor Post, tenta entrevista ho família matebian maibé lakohi fó komentáriu tanba sei iha sentimentu tristeza nia laran.

Tuir observasaun ne’ebé mak Timor Post hare iha terrenu, vitima tara-an ho tali fiu lotuk kesi ai-hun ida iha Taibessi besik uma ba Veteranu nian, iha ai-leten no hatama tali-matan iha hakorok hodi haksoit tun ba rai, tali matan haka’as iha kakorok to’o iis kotu.

Matebian Valdo iha maun alin hamutuk na’in -8 inklui nia, husi Rejiaun Espesiál Oe-Kusi Ambenu. Matebian foin forma uma kain kuaze foin fulan haat nia laran no matebian hela ho nia feen iha Taibessi.

Hafoin halo identifikasaun iha fatin akontesimentu, Polísia Forensik tula kedas mate isin ba karreta hodi transporta ba iha Hospital Nasionál Guido Valadares hodi submete ba prosesu Autópsia.(Lee Notisia Seluk iha Jornal Timor post/Asesu You Tube Timor Post)

No More Posts Available.

No more pages to load.