DILI (Timorpost.com) Sekretariu Estadu Protesaun Sivil (SEPS) liuhusi Gabinete Esternal Relasaun Informasaun (GERI) Segunda (17/04) atualiza dadus dezastre naturais semana ida nian ba publiku.
Diretor relasaun informasaun SEPS Anaclito Caetano, relata kona ba akontesimentu dezastre iha territoriu tomak durante semana ida nee, husi loron 11-17 fulan Abril semana nee, dezastre neebe akontese semana nee iha Timor laran tomak iha munisipiu tolu.
Husi munisipiu tolu nee mak munisipiu Aileu, Ermera no Vikeke, munisipiu tolu nee akontese dezastre maka ho tipu tolu, anin sobu, rai halai no ahi han uma, tipu dezastre neebe mak makaas iha semana nee mak rai halai.
“Total dadus iha semana nee ho tipu dezastre oin tolu nee mak hamutuk uma 23 neebe afetadu, husi dezastre nee ema lakon vida laiha, maibe uma deit mak hetan estragus”, nia relata iha SEPS Kaikoli.
Ohin aprezenta uma 23 mak hetan estragu, nia diskrisaun sira maka iha Aileu vila suku Fatubosa aldeia Kaikasa, nee ahin komunidade nia uma ida.
Nia informa, munisipiu Ermera dezastre barak liu maka rai halai, iha Postu Ermera nee iha suku Rortutu, Poetete, estraga komunidade nia uma ualu, suku Legimea nee uma ida.
Iha postu Hatulia suku Koliati nee anin sobu uma rua, akontese rai halai estraga komunidade uma rua, suku Hatulia Vila anin sobu uma ida, iha Ermera kuza estragu uma besik 20.
Husi akontesimentu sira nee komunidade afetadu munisipiu Aileu sidauk fo apoiu emerjensia tanba sei iha verefikasaun.
Munisipiu Ermera ho Vikeke ekipa halo ona verefikasaun no apoiu ona emerjensia, apoiu emerjensia.
Diretor nee hatete, husi dadus uma kain 23 hetan estragu sidauk kategoria ba estragus rekooperasaun, hodi apoiu materila konstrusaun ruma.
Tanba depois ida nee sei halo lebantamentu hodi halo re verefikasaun foun kona ba uma hira maka kategoria sira hanesan rekooperasaun nian.
Ikus liu nia aprezenta total dadus husi fulan Janeiru too Abril 2023, hamutuk ho ida ohin aprezenta nee 864 uma estragu, husu numeru nee, uma sira neebe mak tama iha rekooperasaun nee 789 neebe mak tama iha rekooperasaun.
1,605 total views, 3 views today
