ADVERTISEMENT

Kazu Sona Mate Isac iha Elemloi, PNTL Asegura Ona Joven Nain-4

Mario da Costa - Defesa no Seguransa
Jornalista : Beatriz Belo
Editor : Mario da Costa
  • Share
Matebian Isac Sinarai da Costa, latan hela iha Trotoar leten iha area Delta, Imajen Esp.

DILI (timorpost.com) – Kazu Sona mate Isac Sinarai da Costa, tinan 20, iha Elemloi Delta III, Suku Komoro, Postu Administrativu Dom Aleixo, Munisípiu Dili, Polisia Nasionál Timor-Leste (PNTL), liuhusi eskuadra Dom Aleixo no mós ekipa investigadór, asegura ona joven na’in-haat.

Komandante PNTL Munisípiu Dili, Superintendente Xefe Polisia, Natercia Eufracia Soares Martins, hatete Komandu PNTL Munisípiu Dili, simu informa iha oras tuku 02:30 madrugada, akontese  kazu omisídiu ida iha area elemloi Delta III,  joven ida hetan sona husi ema deskoñesidu, tanba ne’e ekipa PNTL to’o kedas iha fatin akontesimentu, maibé la konsege salva vítima ne’e.

ADVERTISEMENT
SCROLL FILA BA NOTISIA


“Kazu omisídiu akontese, tanba sira hemu tua hamutu, hafoin mak matebian ne’e, akontese sona iha area Elemloi Delta III, komandu fó ona orientasaun ba iha ita-nia eskuadra Dom Aleixo no mós ekipa investigadór, atu asegura joven sira ne’ebé hemu tua hamutuk hodi nune’e ita bele rekolla informasaun husi sira,” nia hateten hafoin partisipa avaliasaun servisu iha sentru formasaun Polisia, Komoro, Sesta (06/01).

Lee Mós :
Asidente Grave Madrugada, Joven Feto Ida Sein Identidade Baixa iha HNGV

Nia dehan, sira-nia parte mós foti ona informasaun husi vítima nia aman Sinarai da Costa, kompleta tan informasaun kona-ba kazu omisídiu ne’ebé akontese liga ho suspeitu.

“Ita-nia ekipa PNTL, halo identifikasaun iha fatin akontesimentu, vítima ida hetan sona ne’e entrega ba ita-nia Forensic hodi halo prosesu autópsia para submete ba prosesu autópsia iha Hospital Nasionál Guido Valadares (HNGV), para nune’e kompleta prosesu hodi hato’o ba iha Ministériu Públiku (MP),” nia dehan.

Komandante ne’e subliña, daudaun ne’e mós parte Servisu Investigasaun Kriminál Nasionál rekolla dadus balun, nune’e hetan informasaun husi parte balun no inklui gravasaun CCTV, maibé presiza analiza no Estuda hodi liga ba akontesimentu ne’e.

Lee Mós :
PNTL Alerta Juventude La Bele Sai Objetu Ba Partidu Polítiku

“Ita-nia investigasaun mós husu orientasaun ba Ministériu públiku para oinsá atu bele autorizasaun para foti CCTV ne’ebé besik iha area refere, hodi bele tulun prosesu kazu ida ne’e, para hetan lalais suspeitu para submete ba iha justisa hodi hetan konsekuénsia ba hahalok krime ne’e,” nia hakotu.

Iha fatin akontesimentu Matebian nia aman Sinarai da Costa, haktuir tuir informasaun husi ema ne’ebé aman husi matebian mosu dez-entedimentu entre matebian Isac Sinarai da Costa ho nia kolega sira ne’ebé sira hemu tua ba no matebian sai atu ba nia avó sira iha Fatuhada, maibé derrepente iha tuku 2:00 madrugada hetan oho hosi ema deskoñesidu iha area Elemloi nian.

“Ha’u ladún hatene klaru kronolojia kona-ba akontesimentu ne’e, maibé informasaun ne’ebé iha katak matebian ho nia kolega na’in-lima hemu tua hamutuk entaun iha ne’ebé sira tolok malu tanba de’it haksesuk sigarru lolon ida, entaun vítima halai hodi ba nia avó sira iha Fatuhada, maibé derrepente iha tuku 2:00 ha’u rona ema hakilar ema oho, ha’u mós ba haree ha’u-nia oan,” nia hateten iha Delta.

Lee Mós :
Husu Autoridade Seguransa Investiga Sidadaun Ne’ebé Hakanek Membru Polísia

Nia dehan, iha ema ida lori Motor liuhosi fatin akontesimentu hit matebian, transporta ba iha sentru saúde Komoro, tanba iis sei iha hela, matebian Isac to’o iha ne’ebá  hakotu iis.

“Ha’u-nia oan durante ne’e laiha problema ho ema ruma no la halo problema ho ema ruma, ha’u-nia ona mate ne’e halo ha’u aman hakfodak,” nia hakotu.

 4,571 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Kazu Sona Mate Isac iha Elemloi, PNTL Asegura O…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No