DILI (timorpost.com) – Polisia Nasional Timor-Leste (PNTL), liuhusi Polisia Tránzitu Munisípiu Dili, durante Natal loron 24-25 Fulan Dezembru, rejista kazu asidente trafégu hamutuk 10 iha area jurídiku Munisípiu Dili.
Komandante Tránzitu Munisípiu Dili, Inspetór Xefe Domingos Sarmento Gama, hatete durante loron Natal, sira-nia parte rejista asidente hamutuk 10 iha area Dili.
“Ita rejista asidente trafégu, iha loron boot Natal, hamutuk 10, iha loron 24 asidete hitu no iha loron 25 tolu, iha area jurídiku Munisípiu Dili,” nia hateten iha knaar fatin, Kaikoli, Segunda (26/12).
Nia dehan, asidente trafégu akontese, tanba loron boot entaun Komunidade sira hemu, entaun alkóliku liu kapasidade rezulta asidente.
“Durante loron boot Natal ne’e, ita la rejista asidente fatal, maibé iha asidente grave mak nain-ida, maibe daudaun ne’e iha hela Hospital Nasionál Guido Valadares (HNGV), halo tratamentu no nain-sia seluk kanek kaman,” nia hateten.
Nia dehan, kompara iha tinan kotuk Natal iha asidende fatal barak liu, maibé daudaun ne’e laiha asidente fatal ruma, signifika asidente redus.
“Ita espera dia 31 to’o dia 01 Janeiru ba leten, la bele akontese asidente fatal ruma,” nia dehan.
Tanba ne’e, Komandante Tránzitu Munisípiu Dili, apela ba sidadaun sira bainhira hemu alkóliku, la bele halo movimentu, atu nune’e evita asidente.
1,722 total views, 3 views today
Bele hare Video Seluk :
Subscribe to Timorpost
