ADVERTISEMENT

PNTL-POLRI Ko’alia Asuntu Prevensaun Krime Iha Fronteira

Mario da Costa - Defesa no Seguransa
Jornalista : Beatriz Belo
Editor : Mario da Costa
  • Share
Polisia Nasionál Timor-Leste (PNTL) ho Polisia Repúblika Indonézia (POLRI) realiza enkontru Koordenasaun atu halo Prevensaun ba Krime trans-nasionál iha liña fronteira terrestres. Sesta (09/12), Imajen TP/Beatriz Belo

DILI (timorpost.com) – Polisia Nasionál Timor-Leste (PNTL) ho Polisia Republik Indonesia (POLRI), realiza enkontru koordenasaun servisu atu halo prevensaun ba krime trans-nasionál iha liña fronteira terrestres.

Komandante Jerál PNTL Komisáriu Polisia Faustino da Costa, hatete durante ne’e Timor-Leste ho POLRI iha akordu kooperasaun, tanba ne’e iha tinan 2015 hahú halo enkontru iha Atambua Indonézia kona-ba servisu sira oinsá halo kombate no prevensaun ba krime trans-nasionál iha fronteira terrestres.

ADVERTISEMENT
SCROLL FILA BA NOTISIA


“Maski ita enkontru halo akordu iha tinan 2015, maibé ita la konsege implementa, tanba akordu kooperasaun ne’e hateten tinan ida halo iha Indonézia no tinan ida iha Timor-Leste, maibé ita la konsege halo ida ne’e,” dehan Faustino iha Kuartél Jerál PNTL, Kaikoli, Sesta (09/12).

Nia hatete, iha enkontru kooperasaun ne’e parte rua hamosu pontu sanulu resin ida hodi naran espíritu Atambua.

“Ida ne’e ita la konsege implementa, tanba ita hasoru situasaun pandemia ho atividade sira selu, tanba ne’e ohin mak ita hahú fali enkontru iha Timor-Leste atu haforsa parte kooperasaun ho komunikasaun para ita bele kombate krime sira iha fronteira terrestres,” nia dehan.

Lee Mós :
BOP Hetan Apoiu Material

Komisáriu Faustino, hatete situasaun iha fronteira akontese dala-barak dehan krime ordináriu ema halo movimentu ilegál.

“Ho ida ne’e enkontru ohin ita ko’alia mós kona-ba krime organizadu ne’ebé ita tenke antesipa agora ida ne’e mak ohin ami halo enkontru hamutuk,” nia hateten.

Iha biban ne’e, Ministru Justisa (MJ), Tiago Amaral, hatete ohin loron nia hanesan Ministru Justisa no mós nu’udar Xefe INTEPOL Timor-Leste, haksolok tebes hodi hola parte iha reuniaun koordenasaun entre parte husi Indonézia no mós parte Indonézia hodi diskute hamutuk kona-ba krime trans-nasionál iha fronteira Timor-Leste ho Indonézia.

Nia dehan, Timor-Leste ho Indonézia no mós relasaun povu husi nasaun rua no sai besik no metin liután, maibé krime ne’ebé involve mós oknum partikulár husi nasaun rua nian iha fronteira no hakat liu fronteira mós akontese no sei akontese tan iha futuru mai, ho krime ida ne’ebé nia natureza mai ho kompleksu hanesan, krime Droga, krime tráfiku umanu, terrorizmu no seluk-seluk tan.

Lee Mós :
POLRI Kaptura Timoroan Na’in-113 iha Atambua

Nia hatete, krime sira ho karakter trans-nasionál refere de’it ona responsabilidade nasaun ida nian, maibé ne’e hanesan responsabilidade nasaun rua Indonézia ho Timor-Leste nian.

“Ha’u fiar no esperansa boot, katak, maski PSIK ho departamentu INTERPOL sei nurak, maibé ami hatene katak ho servisu hamutuk no kooperasaun di’ak ho nasaun seluk, liuliu ho Indonézia, liuliu troka informa ba malu, servisu hamutuk ba kombate krime trans-nasionál nian,” nia dehan.

Nia dehan, Ministru Justisa fiar mós katak, reuniaun koordenasaun ida ne’e, sei la para ba ida ne’e de’it, maibé sei kontinuasaun nafatin iha futuru mai hodi hametin liután relasaun servisu Polisia, iha parte investigasaun kriminál rai Timor-Leste ho Indonézia nian, tanba ho koordenasaun di’ak mak sei hamosu rezultadu ida ne’ebé di’ak liután.

“Ikus mai, ha’u-nia mehi katak reuniaun ohin loron sei hatudu duni rezultadu ida pozitivu, atu nune’e relasaun Timor-Leste ho Indonézia nian, ne’ebé di’ak ona, sei sai di’ak liu no metin liután, no mós ha’u hein katak Vise Ministru, KAPOLDA NTT ho delegasaun tomak, sei bele enjoy rai Timor nia furak,” nia hakotu.

Lee Mós :
Tribunál Deside Hasai Uma-Kain 12 iha Metiaut 

Alende ne’e Embaixadór Indonézia iha Timor-Leste, Octo Manik, hatete agradese ba Maromak, tanba ho nia grasa fó kbiit mai hotu-hotu ohin iha ne’e, hodi halibur hamutuk iha fatin ida ne’e.

“Ohin ita hamutuk iha fatin ida ne’e hodi halo koordenasaun no fahe informasaun ba malu, hodi halo seguransa iha fronteira rai rua Indonézia ho Timor-Leste,” nia hateten.

Nia hatutan, ho kooperasaun ho koordenasaun rai rua, hodi halo seguransa hodi kombate krime iha, krime trans-nasionál no mós la’o ilegál sira.

Entretantu enkontru kooperasaun ne’e parte PNTL ho POLRI sei envolve mós autoridade investigadór sira hanesan PSIK, PNSIK no Ministériu Justisa, hodi tau hanoin hamutuk atu asegura no garante seguransa ida di’ak iha fronteira terrestres.

 1,356 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PNTL-POLRI Ko’alia Asuntu Prevensaun Krime Iha …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No