DILI (timorpost.com) – Organizasaun Naun Govermental (ONG) Belun, halo prevensaun ba kazu konflitu sira no konsege rejista kazu konflitu ho númeru ne’ebé aas liu iha Munisípiu Dili.
Reprezenta Belun hanesaan Koordenadór A3 ba Munisípiu Dili, Cecelia Ribeiro Ximenes, hatete durante sira halo prevesaun ba kazu konflitu sira, maibé sira konsege rejista iha Dili mak ho númeru aas.
“Durante ami ONG Belun, halo prevensaun ba kazu konflitu iha munisípiu, maibé konsege rejista iha númeru aas, liuliu iha area Dom Aleixo,” nia hateten hafoin diálogu entre autoridade sira iha Suku Balibar, Kinta (10/11).
Nia haktuir, ONG belun prezenza iha Munisípiu sira mak hanesan iha Manufahi, Kovalima, Bobonaru no Dili, maibé sira rejista aas liu mak iha munisípiu Dili.
“Ami konsege deteta konflitu ne’ebé aas liu iha Dili, liuliu iha area Dom Aliexo nian mak hanesan Grupu Arte Marsiais (GAM), kazu kona-ba rai, kazu kona-ba violénsia Domestika,” nia dehan.
Maibé, nia haktuir, la’ós konflitu akontese de’it iha area Dom Aleixo de’it, maibé iha postu sira seluk sira rejistu mak hanesan mós kazu GAM.
“Nune’e, hafoin ami indetifika kazu konflitu ne’ebé aas, ami sempre aprezenta, hafoin autoridade lokál sira hatene no oinsá sira halo prevensaun para labele kontinua aas,” nia hakotu.
1,845 total views, 3 views today
Bele hare Video Seluk :