ADVERTISEMENT

Semana Ida, PNTL Prende Motorizada 172

Mario da Costa - Defesa no Seguransa
Jornalista : Beatriz Belo
Editor : Mário da Costa
  • Share
Motorizada hirak ne'ebé PNTL Prende iha semana ida nia laran, Imajen TP/Beatriz Belo

DILI (timorpost.com) – Komandu Polisia Nasionál Timor-Leste (PNTL), husi Seksaun Polisia Tránzitu Munisípiu Dili, prende motorizada 172 ho dokumentu hamutuk 35.

Komandante PNTL Munisípiu Dili, Superintendente Xefi, Henrique da Costa, hatete durante loron neen semana ida hahú iha loron 08 to’o 14 fulan Setembru tinan ne’e, Polisia Tránzitu prende motorizada 172 ho dokumentu hamutuk 35 iha Munisípiu Dili.

ADVERTISEMENT
SCROLL FILA BA NOTISIA


“Durante Semana ida, ita konsege prende motorizada hamutuk 172 ho dokumentu transporte hamutuk 35, tanba kontra dekretu lei kódigu estrada númeru 6/2003,” nia hateten iha knaar fatin PNTL Kaikoli Dili, Kuarta (14/09).

Lee Mós :
Karreta Monu Rezulta Ema Nain-6 Lakon Vida 

Nia dehan, aktividade operasaun konjunta pasa revista ba transportes karreta ho motor iha Kapitál nasaun kontinua no ba motorista sira ne’ebé simu ona bilete infrasaun tenke kumpre ba selu iha banku, hafoin mai entrega resibu ba Polisia Tránzitu hodi foti fali karreta ho motor ne’ebé sira prende.

“Operasaun hanesan pasa revista ne’e, ita nafatin kontinua, tanba ita hetan apoiu husi Polisia Tránzitu Nasionál apoiu PNTL Munisípiu Dili hamutuk ho forsa rezerva hodi halo pasa revista ba karreta ho motor Kapitál Dili,” hatete nia.

Lee Mós :
PNTL Prende Motorizada 12 ho Karreta Pezadu 3 iha Períodu Natal

Nia hatete, ba kondutór karreta mikrolete ho taxi tenke uza uniforme ho dokumentu kompletu no motorista sira mós tenke monta sapa matrikula, asesores sira seluk inklui karta kondusaun tenke ativu.

“Ita haraka ema hotu respeita ba regra lei kódigu estrada, tanba karreta ho motor balun kalan movimentu sira la monta lampu ho asesores transportes nian laiha hodi hamosu asidente iha estrada públiku,” nia hateten.

Tanba ne’e, PNTL halo opersaun mak hetan karreta ho motor lampu la di’ak no la tau asesores kompletu ho dokumentu mate, polisia sei aplika bilete ba infrator sira atu ba selu iha banku, depois haruka kedas sira hadi’a lampu no monta asesores transportes.

Lee Mós :
Estudante Halo Demonstrasaun, Parlamentu Nasionál Kontinua Hola Karreta

“Operasaun hanesan ne’e ita sei kontinua tantu check point no tantu operasaun motorizada sira ne’ebé parte zebra nian no mós motorista no zebra karreta nian, halo movimentu iha area Kapitál hodi haree dala-ruma ema balun para la tuir regras ita hetan aplika kedas multa ba sira,” nia hakotu.

 1,777 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Semana Ida, PNTL Prende Motorizada 172” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No