ADVERTISEMENT

Kazu Tara An iha Sela, KOMJER Orienta Kria Ekipa Halo Investigasaun

Mario da Costa - Defesa no Seguransa
Jornalista : Beatriz Belo
Editor : Mário da Costa
  • Share
Portavós Komandu Jerál PNTL, Armando Monteiro, Imajen/TP Beatriz Belo

DILI (Timor Post) – Komandu Jerál Polisia Nasionál Timor-Leste (KOMJER-PNTL), hasai ona orientasaun no forma ekipa internál ida hodi halo investigasaun klean ba kazu José Bernardo Soares ne’ebé tara an iha sela detensaun Munisípiu Dili.

Portavós Komandu Jerál PNTL, Superintendente Xefe Armando Monteiro, hatete hodi kalan Kinta-Feira (01/09), akontesimentu ida ou kazu susidiu iha Komandu PNTL Munisípiu Dili.

ADVERTISEMENT
SCROLL FILA BA NOTISIA


“Hodi kalan ita halo reuniaun alargada Komandu PNTL Munisípiu Dili ho PDHJ Defensór Públika no Ministériu Públika, tantu mós reprezenta husi família no mós parte ida husi matebian organizasaun ne’ebé hamahan an, hodi forma ekipa husi reuniaun alargada no hahú hodi kalan halo investigasaun ba kazu tara an ne’e,” dehan Armando liuhusi Konferénsia Imprensa iha Komandu Jerál PNTL Kaikoli, Sesta (02/09).

Lee Mós :
Asanami Husu PNTL Professional Liu Tan

Nia dehan, hodi kalan liuhusi reuniaun ida ne’e sei iha informasaun ne’ebé relavante no presiza investigasaun finalidade, hafoin ida ne’e bele anunsia publikamente.

Alende ida ne’e, ohin liuhusi reuniaun PNTL, Komadante Jerál PNTL, Faustino da Costa, sei hasai orden urjente ida no nomeia ekipa investigasaun internál PNTL no relasiona ho akontesimentu kazu insidiu iha sela Detensaun Komandu Munisípiu Dili.

“Kona-ba kazu ne’e, hafoin parte investigasaun ekipa ne’e mak foin hatene,” nia dehan.

Lee Mós :
KomJer PNTL Koloka ona Membru ba Munisípiu

Enkuantu kona-ba infomasaun ne’ebé espalla iha media sosiál ne’e, Komandu Jerál husu ba públiku atu hein prosesu investigasaun.

Tanba ekipa konjuntu husi PNTL, PDHJ, Mimistériu Públiku, Defensor Públiku tantu mós reprezenta família sei halo ezaminasaun ba matebian no investigasaun mós ba autoridade ne’ebé hala’o nia knaar iha sela detensaun no inklui mós area ka lokál do krime nian no tantu mós evidénsia sira ne’ebé ligadu ho akontesementu ida ne’e.

Maibé, ekipa konjuta ne’e mak sei halo sira-nia servisu ezaminasaun no investigasaun, hafoin ida ne’e mak sira sei hamutuk hodi halo Konferénsia Imprensa.

Lee Mós :
Mate Tara An iha Sela, Família Hakarak Kontinua Prosesu

Iha biban ne’e Komadante PNTL Munisípiu Dili, Superintendente Xefe Polisia Henrique da Costa, la fó komentáriu kona-ba motivu hosi akontesimentu kazu JBdJS tara aan iha sela detensaun Komandu PNTL Dili.

“Ha’u labele ko’alia buat ida tanba kazu ne’e sei iha hela prosesu investigasaun nia laran no kazu ne’e ami haruka ona ba iha Komadu Jerál PNTL maka atu halo investigasaun,” nia dehan.

 2,159 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Kazu Tara An iha Sela, KOMJER Orienta Kria Ekip…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No