ADVERTISEMENT

Mate Tara An iha Sela, Família Hakarak Kontinua Prosesu

Mario da Costa - PNTL
Reportajen : Beatriz Belo
Editor : Mário da Costa
  • Share
Familia Matebian, Stelho Antonio de Jesus Soares, Imajen TP/Beatriz Belo

DILI (Timor Post) – Relasiona ho matebian José Bernardo de Jesus Soares, tara an iha sela detensaun Komandu Munisípiu Dili, iha loron Kinta Feira (01/09), família hakarak kontinua prosesa ba oin.

Tuir kronolojia husi família matebian, Estelho Antonio de Jesus Soares, hatete iha loron Kuarta Feira (31/08) kalan akontese problema iha bairru-bairru iha area audian, jovens sira hemu tua hafoin joven ho joven sira duni malu tama ba area matebian nian.

ADVERTISEMENT
SCROLL FILA BA NOTISIA

“Ha’u-nia alin matebian ne’e mak hetan joven dehan imi problema ne’e sai tiha ba li’ur, tanba ne’e ha’u-nia alin lori joven ne’e sai mai li’ur, depois sira la baku joven ne’e sira baku fali ha’u-nia alin,” nia hateten iha Hospital Nasionál Guido Valadares (HNGV), Sesta (02/09).

Nunee nia dehan, iha loron Kinta Feira iha oras tuku 11:30, parte PNTL halo kapturasaun ba matebian José Bernardo de Jesus Soares, iha rezidénsia.

Nia dehan, Antes ne’e parte PNTL atu ba halo kapturasaun ba matebian José Bernardo de Jesus Soares, nia Estelho António de Jesus Soares husu ba parte PNTL dehan nia alin Matebian sala saida. Depois kontinua lori matebian mai iha sela detensaun Komandu Munisípiu Dili.

Lee Mós:
UPF Prende Ai-Kameli Kilograma 20 iha Batugade

“Ha’u-nia alin sala saida, depois parte PNTL hatán ita-nia alin kuandu ba ona Polisia ne’e buat hotu-hotu di’ak ona, tanba iha ona Polisia nia fatin di’ak hela” nia hateten.

Tanba ne’e, sira halo kapturasaun ba matebian ne’e ba iha Komandu Munisípiu Dili, hodi hatama iha sela detasaun.

Nunee, iha oras 03:00 ou 04:00 hanesan ne’e, matebian nia Mãe ba vizita iha sela datensaun, maibé nia kondisaun di’ak hela.

“Depois liu tiha oras 05:00 ou 06:00 ne’e, hau-nia Tia ba vizita ha’u-nia alin matebian, Depois parte PNTL sei ko’alia ho família matebian dehan kuandu iha sela ne’e buat hotu-hotu di’ak hela,” nia dehan.

Nune’e, liu tiha oras balun matebian José Bernardo de Jesus Soares, nia tiu ba halo vizita matebian iha sela detensaun, maibé parte PNTL la autoriza. Parte PNTL kontinua dehan ba família, fatin ida sela detensaun ne’e atu salva ema sira ne’ebé tama prizaun ne’e.

Maibé, ikus sira la kumpre sira-nia devér atu halo kontrolu ba iha ema sira ne’ebé tama iha sela detenssun.

Lee Mós:
Kazu Tara An iha Sela, KOMJER Orienta Kria Ekipa Halo Investigasaun

“Ha’u-nia alin mak atu estraga an iha ne’ebá ka, atu parte PNTL mak estraga fali ha’u alin ka, ne’e parte PNTL mak sala nafatin, tanba fatin ne’ebá ne’e, PNTL nia fatin,” nia dehan.

Nia hatete, fatin sela detensaun ne’e, PNTL nian atu sulan ema, la’ós atu sula fahi iha ne’ebá, PNTL tenke iha responsabilidade.

Nia konta, Ezemplu, tama de’it sela laran, ropa sira kolu hotu kedas no check hotu kedas, eskeru no brinkus sira hasai hotu kedas, Nusa mak iha sela laran tali iha fali, ne’e Nusa.

“Ha’u husu ba maun Polisia Servisu Investigasaun Kriminál (PCIC) sira ajuda ha’u no ita boot sira la bele taka matan ba kazu ida ne’e,” nia dehan.

Tanba, foin mak primeira-vez akontese hanesan ne’e iha sela detensaun, imi+nia uma no imi-nia fatin.

“Ami família hatene katak, imi kaer ba ne’e lori ho kondisaun di’ak, nusa mak hodi kalan ami rona fali tara an, nia mak tara an ka, ne’e PNTL mak sala nafatin,” nia afirma.

Lee Mós:
Ruin Saudozu Francisco Borja Halot iha Manufahi

Nia dehan, família seidauk hatene, maibé ema balun públika ona nia matebian nia foto iha media sosiál, maibé família la fiar nafatin, matebian nia tiu to’o iha sela detensaun Komandu Munisípiu Dili, maibé karreta ambulánsia iha ne’ebá ona, parte PNTL la foo matebian nia tiu atu haree,” nia konta.

“Ami sei levanta ba oin nafatin, ami hakarak kaptura maun nain-4 mai kaptura hau-nia alin ne’e ho maun nain hitu ne’ebé seguransa iha sela Komandu Munisípiu Dili, tanba sira mak halo segurana iha ne’ebá.

Nia dehan, Momentu sira PNTL mai kaptura matebian iha rezidénsia Audian, matebian kondisaun di’ak hela, buat hotu di’ak hela, laiha moras ida no isin la kanek ida.

Ikus nia dehan, momentu PNTL halo kapturasaun ba joven nain-4 inklui matebian ne’e, maibé ikus mai parte PNTL liberta tiha Joven nain-3, matebian mak sira detein iha sela to’o lakon vida.

 1,419 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Mate Tara An iha Sela, Família Hakarak Kontinua…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: