ADVERTISEMENT

Prezidente Horta Preokupa Feto Menus iha Kargu Xefia PNTL

Mario da Costa - PNTL
Reportajen : Beatriz Belo
Editor : Asisten Hermenegildo da Costa Tilman
  • Share
Feto PNTL, Imajen Google

DILI (Timor Post) – Prezidente Repúblika (PR), José Manuel Ramos Horta, preokupa envolvimentu feto iha kargu xefia Polisia Nasionál Timor-Leste (PNTL) menus tebes.

“Buat ida ke ha’u la’ós gosta PNTL, mak kuaze feto PNTL laiha lideransa, ha’u hatete ona, ha’u hakarak haree feto, la’ós de’it aumenta númeru ba baze ne’e, ha’u hakarak haree feto Komandante, laiha feto komandante ha’u veta orsamentu,” Nia hateten iha Konferénsia Imprensa iha Komandu Jerál PNTL Kaikoli, Sesta (12/08).

ADVERTISEMENT
SCROLL FILA BA NOTISIA
Lee Mós:
PNTL Reforsa tan Seguransa iha Fronteira

Nia hare, númeru ne’e kuaze feto laiha liu, maibé bele ema atus ida feto oan ida mós tenke iha ne’ebá.

“Ha’u informa ba Komandante PNTL, Komisáriu Faustino, hatene ne’e, katak ida ne’e la’ós ita-nia responsabilidade úniku, maibé ha’u hatene kada komandante assume Komandu Jerál iha tinan haat,” nia dehan.

Prezidente Repúblika, José Manuel Ramos Horta, Imajen TP/Mariano Abi

Nia hatete, labele muda buat barak mós, maibé Tinan 20 ona, Prezidente Repúblika, hakarak haree atu aselera lalais asuntu ida ne’e, tanba ida ne’e tuir nia observasaun únika negativa ba iha PNTL.

Lee Mós:
UPF Kaptura Sidadaun Timor Oan Nain 2 Hatama Mina No Sigaru Ilegal Iha Fronteira

Iha fatin hanesan, Komandante Jerál PNTL, Komisáriu Faustino da Costa, hatete ohin sira-nia parte aprezenta ona katak, uluk iha komandante distritu mak feto, maibé sira haruka ona ba eskola komandu ninian.

“Problema ida la’ós foun mak mosu lae, maibé dezde iha inisia rekrutamentu, rejime konkursu públiku ba Polisia Nasionál, ami hatete kedas katak, kada rekrutamentu tenke koloka 15% husi feto, mais iha Kada rekrutamentu ita fó 15%, maibé iha rekrutamentu nunka ser atu atinje ida ne’e,” nia informa.

Lee Mós:
Governu Inaugura Edifísiu Foun Rua iha Komandu Jerál PNTL

Nia dehan, saida mak sira halo iha tinan 2008, sira halo video badak, uza ofisial feto hodi halo sensibilizasaun, hatudu katak feto mós bele.

Tanba ne’e, nia promete ba futuru sira sei halo, hanesan preokupasaun saída mak hato’o hosi Vise Ministru Interior, Primeiru Ministru no Prezidente Repúblika.

 517 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Prezidente Horta Preokupa Feto Menus iha Kargu …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: