ADVERTISEMENT

PNTL Planu Rekolla Karreta At Okupa Estrada Públiku

Mario da Costa - PNTL
Reportajen : Beatriz Belo
Editor : Asisten Hermenegildo da Costa Tilman
  • Share

DILI (Timor Post)—Polisia Nasionál Timor-Leste (PNTL), liuhusi seksaun Polisia Tránzitu Munisípiu Dili, iha ona planu atu koordena ho Patrimóniu Estadu hodi rekolla karreta aat ne’ebe para permanente no okupa iha estrada públiku.

Komandante Seksaun Polisia Tránzitu Munisípiu Dili, Inspetór Polisia Domingos Sarmento Gama, hatete Komandu PNTL Munisípiu Dili, hasai ona orientasaun ba Tránzitu Dili atu rekolla karreta aat ne’ebé estasiona iha estrada públiku.

ADVERTISEMENT
SCROLL FILA BA NOTISIA

“Ita planu ona sei koordena ho patrimóniu Estadu apoiu karreta trontong boot ida atu tula karreta aat ne’ebé estasiona permanente iha estrada públika, atu labele prejudiku engarrafamentu ho asidente tráfegu,” nia hateten iha Knaar fatin PNTL Kaikoli, Kinta (14/07).

Lee Mós:
PNTL Rejista Asidente Iha Dare, Padre Abito Lakon Vida

Nia hatete, problema durante ne’e impede servisu Polisia tránzitu Dili mak kondisaun transporte atu ba foti karreta aat sira iha dalan ne’e mak laiha.

“Ita foin lalais iha 20 Maiu loron boot Restaurasaun Independénsia ba da-20, ita-nia bainaka VIP mai barak ita servisu hamutuk ho patrimóniu Estadu foti karreta aat hamutuk tolu komunidade sira estasiona permanente iha estada públika besik area Aeroportu Nicolau Lobato nian,” nia haktuir.

Nune’e, mak atividade operasaun ba Transporte at sira iha estrada públiku ne’e Seksaun Polisia Tránzitu hahú prepara ona planu atu rekolla hotu, tanba orden Komandu PNTL Munisípiu Dili hatún no autoriza ona atu foti hotu karreta aat sira estasiona iha bairru laran iha Munisípiu Dili.

Lee Mós:
Ekipa PSIK Entrega Mate-Isin José Bernardo ba Família

“Ha’u rasik mós resposta ona orden husi ita-nia Komandante Munisípiu Dili, atu halo pedidu ba ita-nia lojístika PNTL Nasionál atu apoiu iha transporte trontong ida ita semana ida ka fulan ida hanesan ne’e ita bele halo operasaun, hotu mak ita bele entrega fali,” nia hateten.

Nia esplika, servisu ida atu halo atuasaun ba karreta ho motor aat para iha estrada públiku ne’e, servisu PNTL nian, maibé tenke envolve patrimóniu estadu, tanba parte sira maka iha Karreta boot hodi bele tula.

“Ita nafatin husu sidadaun sira ne’ebé na’in ba karreta aat sira iha kapitál Dili, tenke iha fatin privadu atu bele asegura ita boot sira-nia karreta aat labele uza fali estrada públiku hodi estasiona permanente,” nia rekomenda.

Lee Mós:
MP Prosesa Sidadaun Estranjeiru Na’in-Rua Falsifika Dokumentu Estadu

Tanba ne’e sidadaun sira rona halo tuir iha vontade rasik hasai sira-nia karreta aat iha estrada públiku ne’e di’ak liu, maibé la rona mak PNTL tun sei foti hotu karreta sira ne’e, tanba okupa públiku hodi impede ema seluk nia movimentu iha estrada.

Entretantu, iha tinan 2021 ho tinan 2022, Seksaun Polisia Tránzitu Munisípiu Dili, konsege rekolla karreta aat iha estrada públiku hamutuk 7 iha area jurídiku Munisípiu Dili nian.

 465 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PNTL Planu Rekolla Karreta At Okupa Estrada Púb…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: