PNTL Sei Realiza Formasaun Diploma III ba Membru Polísia

by -505 views
Segundu Komandante Jerál Polísia Nasionál Timor Leste (PNTL), Komisáriu Mateus Fernandes, Imajen TP/germandina xavier

(Reportajen Germandina Xavier/ Asistente Editor Hermenegildo da Costa Tilman)

Dili (Timor Post)— Komisáriu Polísia Nasionál Timor Leste (PNTL), Mateus Fernandes, hatete, iha tempu badak sei realiza formasaun diploma III ba membru PNTL sira atu hasa’e sira nia kapasidade hodi sai kontribuidor no kualidade di’ak ba komunidade sira iha Timor Leste

”Durante ne’e polisia ba tuir beibeik formasaun iha li’ur dezafiu ne’ebé PNTL hasoru mak dinamiku sosial no dinamiku global entaun ita presiza profisionalizmu ita nia polisia sira liu husi formasaun no to ona tempu tau ona estatutu PNTL  tenke loke diploma 3 siénsia polisiais para bele hasa’e liután kapasidade polisia nian,” nia dehan ba Jornalista sira iha Edifísiu PDHJ, Kaikoli, Kuarta (30/03).

Lee Notisia Relevante : Ministériu Interiór Sei Esforsu Rezolve Problema Rekursu iha Instituisaun PNTL

Nia dehan, formasaun intensivu sira hanesan ne’e presiza hala’o atu nune’e mellora membru sira nia kapasidade liuliu atuasaun iha terrenu atu labele kauza barak liu ba sira nia aan.

Alende formasaun Diploma III, PNTL mós sei servisu hamutuk ho Ministériu Justisa atu nune’e membru sira bele ba tuir formasaun iha sentru treinamentu jurídiku durante fulan neen ou sia nune’e bele fasilita fila fali polisia sira seluk oinsá mak hare kona ba lei bainhira servisu iha terenu.

“Formasaun refere sei halao  iha tempu badak hein deit husi Ministerio Justisa no iha ona kontaktu sira bele ba tuir iha Ministerio Justisa ho kuantidade ema nain 3 to 5 depois mai fali bele fahe fali formasaun ba membru polisia sira ne’ebe seidauk hetan oportunidade,”nia hakotu. (Lee Notisia Seluk Iha JornaL Timor Post/Asesu You Tube Timor Post)

No More Posts Available.

No more pages to load.