PNTL Reforsa tan Seguransa iha Fronteira

by -90 views
Superentendente Xefe Pedro Belo

Jornalista Jaime Pires / Editór Noémio Falcão

DILI (Timor Post)—Komadante Operasaun Polísia Nasionál Timor-Leste (PNTL), Superentendente Xefe, Pedro Belo informa, nia parte koloka tan membru ba reforsa seguransa iha fronteira Timor Leste ho Indonézia.

Objetivu husi medida ne’e atu iha kontrolu ne’ebé másimu ba movimentu ilegal sira no apoiu servisu sira ba prevensaun COVID-19.

“Ita hotu tenke asegura fronteira tanba oras ne’e daudaun iha movimentu ilegal ne’ebé mak maka’as tebes iha parte fronteira ,” Pedro subliña ba Jornalista sira iha Kuartel Jerál PNTL, Kaikoli, Dili, Segunda (09/08/2021).

Pedro rekoñese durante ne’e membru iha fronteira menus . No komandu jerál tau atensaun maka’as ba situasaun ida ne’e.

“Sira hotu sei submete ba iha ne’ebá hodi asegura ita nia fronteira, variante foun delta ne’ebé agora iha ita-nia nasuan viziñu, balun tama mai timor, ita atu asegura fronteira hodi evita movimentu iha parte fronteira,” tenik Nia.

Nia aumenta, sira sei la’o servisu ho sentidu estadu nian, sira sei ba halo servisu no sei hatudu rezultadu di’ak ba povu no rai ida ne’e.

Pedro reforsa, tempu badak sei tuir tan, tanba ita sei asegura di’ak, ho ita-nia frontiera, sente segura, atu labele lori moras ne’e mai timor.

Asegura fronteira kuandu fronteira ne’e maka ema ultrapasa ho ilegál ne’e, ikus nian, ita bele prevene ona, tanba ema hotu tama mai ho dalan legal entaun hosi MS bele kontrola ona, karantina, dalan ilegal sira tama diretamente iha komunidade, tanba ne’e tenke asegura ita nia ekipa ne’ebé maka ba ho ita nia polisia sira, hodi prevene.

Tanba, PNTL Fronteira sempre hetan Obstaklu, oin-oin, liu-liu parte lojístika, transporte nian buat oin-oin maibé ida ne’e iha sentidu estadu, ita atu asegura ita nia povu hosi moras variante foun delta nian halo oinsá mós ita tenke nafatin ita ne’e obstaktu ne’ebé ita hotu hasoru.

“Ami deside aan hanesn polísia, iha saida de’it iha ne’ebá ami tenke hasoru atu ba, ne’ebé labele dehan baut ida falta oituan de’it ami atu dezamina fali ami la’e, kontinua nafatin firme estadu nian hodi nune’e bele halo servisu ho di’ak, hosi komando mós la haruka membru sira ba hanesan ne’e de’it lae, maibé iha mós ekipamentu no sasán balun alimentasaun ho sasán apoiu sira hodi bele ba tahan netik iha n’ebá”, Nia hakotu.

 

No More Posts Available.

No more pages to load.