PNTL ‘Ra’ut’ Motor 60 Iha Kampaña ikus Kandidatu Lú Olo, Lere no Berta

by -1.122 views
PNTL prende motor hamutuk neen nulu hosi militante kandidatu PR Lu Olo, imajen Esp

Dili (Timor Post)- Polísia Nasionál Timor-Leste (PNTL) prende motorizada hamutuk 60 iha kampana  ikus kandidatu Prezidente Repúblika, Francisco Guterres Lú Olo, Lere Anan Timur no Armanda Berta ne’ebé hala’o iha Munisípiu Dili, ohin.

Tuir observasaun mak Timor Post, motorizada sira ne’ebé mak polísia prende dadeer ne’e maioria apoiante husi militante kandidatu Fransisco Guterres Lú Olo.

Motorizada sira ne’ebé mak PNTL prende ne’e, tanba apoiante ka militantes sira kontra sinais Tranzitu, hanesan tuir kampaña la uza kapasete, la tau asesores motor kompletu, inklui mós balun uza kanu resin hodi halo pawai.

“Operasaun ne’e ita halo ba kandidatu sira ne’ebé mak halo kampaña iha Dili, no ba sira ne’ebé mak la uza kapasete la uza motor nia ispellu uza kanu resin ita prende hotu,” dehan, segundu Komandante PNTL Munisípiu Dili, Superintendente Polísia, João Sancho Pires, ba jornalista sira iha Rotunda Lafatik, kuarta (16/03).

Nia mós dehan, kona-ba ba Kandidatu sira ne’ebé mak horsiheik halo kampaña sira konsege prende Motor hamutuk-112.

“Horisehik iha prende motorizada hamutuk (112), ne’e ba militantes no simpatizantes sira husi kandidatu sira ne’ebé horisehik halo kampaña, maibé maioria ne’e prende husi apoiantes kandidatu ho númeru sorteiu (14), José Ramos Horta nian,” nia hakotu.Lee notisia seluk iha Timor Post/Asesu You Tube Timor post)

No More Posts Available.

No more pages to load.