PNTL Kontinua Sensibiliza Ba Sidadaun Sira

by -131 views
Foto Google

DILI (Timor Post) — Polísia Nasionál Timor-Leste (PNTL), liuhusi unidade tránzitu roda viaria, kontinua halo sensibilizasaun ba sidadaun sira ne’ebé mak kontinua la kumpre protokolu saúde nian.

Lia hirak ne’e hato’o husi komandante Tránzitu Roda Viaria Munisípiu Dili, Inspetór Domingos Sarmento Gama ba jornalista sira iha nia servisu fatin Kaikoli, Tersa (27/07) ne’e.

“Kona-ba sensibilizasaun ba uza máskara ho distánsiamentu sosiál ne’e la’ós tránzitu de’it maibé kuaze ita nia entidade sira hotu ne’ebé mak relevante sira kontinua halo sensibilizasaun ba ita nia sidadaun sira”, dehan nia.

Nia aumenta, agora sensibilizasaun ne’e nia intensaun mak sensibiliza tenke konxiénsia koopera, sidadaun tenke iha konsekuénsia ba koopera tanba vida ba umana ne’e, konxiensaliza maibé komunidade de’it konxiénsia laiha hodi koopera.

Nia afirma liu tan katak, atu hakotu korrente Covid-19 ne’e konxiénsia sidadaun ida-idak nia koopera, tanba ida ne’e la’ós buat ida mai hare ba ema ne’e laiha.

“Covid-19 ne’e ita hotu nia inimigu nia mai la haree ba ida ka rua no haree ba ida ki’ik ka boot lae, maibé nia mai la koñese kona ne’e ita hotu sei risku”, nia esplika.

Tanba ne’e mak komandante ne’e husi ba sidadaun sira tenke koopera ho ekipa seguransa sira no kontinua kumpre regra ne’ebé mak governu fó sai ona inklui mós saúde mundiál (OMS) ninian.

Nia deklara, ho ida ne’e kona-ba sensibilizasaun ne’e sira nia parte kontinua halo, liuhusi atividade pasa revista sira ne’ebé mak halo iha estrada públiku mós kontinua fó informasaun ba sidadaun sira.

“Ita nia membru sira hamriik iha estrada kuandu ita nia sidadaun sira ho transporta mak la uza máskara ka la kumpre protokolu saúde nia ita kontinua fó nafatin informasaun ba sira ka sensibiliza nafatin sira”, nia hakotu.(jmy/Pj11)

No More Posts Available.

No more pages to load.