PNTL Kaptura Tan Ona Membru PSHT 24

by -138 views
Membru PSHT ne'ebé hetan kapturasaun rona esplikasaun hosi PNTL. (Foto Espesial)

(Reportájen Jaime Pires/Editor Suzana Cardoso)

DILI (Timor Post) – Polísia Nasionál Timor-Leste (PNTL), liu husi Unidade Patroliamentu Fronteira (UPF), kaptura tan ona membru artemarsiais Persaudaran Setia Hati Terate (PSHT), hafoin fila husi Atambua Indonézia.

Lia hirak ne’e hato’o husi Komandante Unidade Patrolliamentu Fronteira (UPF), Superentendente Polísia Euclides Belo viatelefone, Sabádu (28/08).

“Membru PNTL horikalan servisu koletivu kaptura tan sidadaun Timoroan na’in 24 hanesan mós membru Grupu Arte Marsiais husi Persaudaraan Setia Hati Terate (PSHT) iha area fronteira, Suku Cova, Postu Administrativu Balibo, Munisipiu Bobonaro ne’ebe tama hikas mai teritoriu nasional hosi Atambua-Indonezia”, dehan Euclides.

Aumenta Euclides, sidadaun hamutuk na’in 24 ne’e, husi Munisípiu Ermera hamutuk na’in 17 inklui feto ida no husi Munisípiu Bobonaru ema na’in hitu.

“Iha tuku 04:00 lorokraik ita kaptura na’in tolu iha area Korluli-Maliana. Iha oras tuku 05:00 loraik halo “check point” iha kompañoa oin mak deteta nain lima, meia noite kaptura ema nain ualu iha areia Postu UPF Derok-Ren no iha fatin hanesan kaptura tan na’in ualu iha tuku 04:00 dader ne’e”, tenik Nia.

Nia subliña, enkuantu na’in haat seluk ne’ebé la’ós membru GAM, membru Unidade Espesial Polísia (UEP), no ekipa apoiu komandu jerál kaptura iha areia Postu Memo ho razaun halo transaksaun ilegal”, Nia reforsa.

Euclides dehan, agora daudaun sidadaun Timor oan na’in 24 ne’e iha hela prosesu identifikasaun no sei entrega ba parte Covid-19 husi Munisípiu Bobonaru hodi kumpri uluk lai protokolu saúde nian depois mak kontinua ba prosesu administrativu no kriminal nian.(Lee notísia seluk iha Jornál Timor Post)

No More Posts Available.

No more pages to load.