PNTL Halo Patrollamentu La’o Ain Asegura Sidade Dili

by -58 views

Timor Post (03/09/2020)-Komandu Polísia Nasionál Timor-Leste Munisipiu Dili halo patrulla la’o ain hodi asegura kapital Dili.

Informasaun ne’e hato’o Komandante Komandu Polísia Nasionál Timor-Leste Munisipiu Dili, Superintendente Xefe Polísia Henrique da Costa hato’o ba jornalista sira iha kuartel PNTL Munisipiu Dili, kinta (03/09).

“Ita nia aktividade prevensaun ninian iha kapital Díli ita hasa’e, ;a’os de’it patrulla kareta de’it, maibé patrula la’o ain kalan-kalan hodi garantia seguransa iha Munisipiu Díli,”hatete Superintendente Xefe Polísia Henrique.
Nia hatutan ho aktividade Patrollamentu La’o Ain no Patrollamentu kareta ne’e konsege minimiza movimentasaun balu ka akontesementu balu ne’ebé ladun sai ameasadu ba estabilidade iha sidade Dili.

Entertantu patrullamentu la’o Ain ne’e involve hosi parte oioin, hanesan Polísia eskudra, Komandu Polísia Munisipiu Dili nian, Forsa Rezerva, Investigasaun, Administrasaun, hodi kontrola sidade Dili.(Jornalista: Jaime Pires)

No More Posts Available.

No more pages to load.