PNTL Ezekuta Ona Osan OJE U$25,820,471.46

by -142 views
Polisia Nasional Timor-Leste (PNTL) halo pasa revista ba komunidade sira ne'ebe halo viajen ba no tama Kapital Dili. (Foto TP/Maria Ligia)

(Jornalista Jaime Pires/Suzana Cardoso)

DILI (Timor Post) – Hamutuk 74% Orsamentu Jerál Estadu (OJE) tinan 2021 hosi Polisia Nasionál Timor-Leste (PNTL)  maka ezekuta ona.

Tuir Komandante Administrasaun  PNTL  Superintendente Xefe José Soares ba Jornalista hafoin remata audiénsia públiku hamutuk ho Komisaun ‘B’ iha Parlamentu Nasionál, Sesta (05/11)  katak, ezekusaun 74% ne’e seidauk sura ho sasán hirak ne’ebé sei iha dalan.

Katak Superintendente Xefe José, ezekusaun OJE  to’o ona 74% ne’e selu autumatikamente. Maibé ba sira ne’ebé parte kometimentu hodi hola ona sasán, sei iha dalan mak soma hamutuk sa’e ona to’o ona 82%.

“Sim, ezekusaun OJE 2021 ba PNTL nian to’o Kinta, (4/10/2021) atinji ona 74%. Espera fulan ida ne’e remata ita bele ezekuta ona, hodi atinji tarjetu”, dehan Superintendente Xefe José hodi hatutan.

Ezekusaun 74% ne’e halai liubá programa;  saláriu, beins servisu no kapitál menór. Signifika, OJE 2021 nian ezekuta ona U$25,820,471.46 hosi osan USD$34,892,529.00 ne’ebé aloka ba PNTL.(Lee notísia seluk iha Jornál Timor Post/Asesu You tube Timor Post)  

No More Posts Available.

No more pages to load.