PNTL Dili Kaer Membru PSHT 117 Iha Manleuana

by -66 views
PNTL lori membru PSHT sira ne'ebe kaptura iha Manleuana mai iha Squadru PNTL. (Foto TP/Jaime Pires)

(Reportajen Jaime Pires)

DILI (Timor Post)- Polísia Nasionál Timor-Leste (PNTL) Munisípiu Dili kaer membru Persaudaran Setia Hati Terate (PSHT), hamutuk na’in (117) iha Manleuana hafoin selebra sira ba sa’e sintu iha fulan kotuk iha Atambua.

PNTL Munisipu Dili prende farda PSHT nian. (Foto TP/Jaime Pires)

PNTL Munisípiu Dili, hamutuk ho ekipa investigasaun kaer membru (GAM) ne’e iha Aldeia Mundu Perdidu, Suku Manleuana Postu Administrativu Dom Aleixo Munisípiu Dili, Kuarta (08/09) madrugada ne’e.

Membru PSHT ne’ebe hetan kaptura hosi PNTL Munisipiu Dili. (Foto TP/Jaime Pires)

Komandu PNTL ne’ebé mak lideradu husi, Superentendente Xefe Henrique da Costa ho nia membru sira ba kaptura sidadaun sira ne’e ho kedas evidensia Arte Marsiais Persaudaran Setia Hati Terate (PSHT) nia inklui mós evidensia balun hanesan motor (92) no kareta (3).

PNTL Munisipiu Dili halo inspesaun ba membru PSHT ne’ebe halo atividade iha tempu konfinamentu obrigatoriu. (Foto TP/Jaime Pires)

Nune’e mós sira kontra orden estadu nia hanesan Dili sei aplika Serka Sanatiria no Konfinamentu Domisiliariu Obrigatoriu, maibé sira kontinua halibura Malu barak.

Membru (PSHT) ne’ebé mak sira kaptura ne’e kompostu husi Mane (93), no feto hamutuk na’in (23) mak PNTL kamptura iha Manleuana ne’e.

Membru PSHT ne’ebe treinu subar iha komunidade balun nia uma iha Manleuana. (foto TP/Jaime Pires)

Tuir observasaun ne’ebé mak Timor Post hare iha terenu, membru (GAM) hamutuk na’in (116) ne’e lori ona mai tau iha Komandu PNTL Munisípiu Dili hodi kontinua ba halo investigasaun.

Membru PSHT ho ninia pasta ne’ebe prende hosi PNTL Munisipiu Dili. (Foto TP/Jaime Pires)

Enkuantu dadaun ne’e parte PNTL mós servisu hamutuk ho ekipa médiku husi Covid-19 nia hodi halo kedas teste swap ba sira molok halo investigasaun.(Lee notísia seluk iha jornál Timor Post)

No More Posts Available.

No more pages to load.