PNTL Aplika Swab Auto Stop

by -452 views
Komunidade hirak ne'ebé liu ho transporte públiku iha PNTL Akademia Komoro nia oin, obrigatoriu tenki tuir teste swab. (Foto TP/Jaime Pires

(Reportájen Jaime Pires/Editor Suzana Cardoso)

DILI (Timor Post) – Tama ba implementasaun Estadu Emerjensia (EE) ba dala-13, Polísia Nasionál Timor-Leste (PNTL) halo auto stop ba komunidade hirak ne’ebé halo movimentu iha Kapitál Dili hodi teste swab obrigatoriu.

Asaun hirak ne’e PNTL halo bazeia ba regra Estadu Emerjensia (EE) ba dala 13, Serka sanitariu no konfinamentu obrigatoriu ba dala-2 nian nomos ordem hosi Komando Jeral PNTL.

Tuir observasaun Timor Post iha loron Tersa, (4/5/2021) katak, Polísia hapara transporte públiku sira hodi halo pasa revista ba komunidade ne’ebé liu iha edifisiu PNTL academia Komoro nia oin.

Komunidade sira nia viajen tenki para temporariu. Hotu-hotu tenki tama ba jardim edifisiu PNTL academia Komoro nian hodi halo teste swab ne’ebé prepara ona husi Ministeriu Saúde.

Maske komunidade murmura maibé sira obriga aan hakat ba tuir teste swab. “Teste ne’e diak. Maibé kuandu la husu sira nia kartaun identidade, balun bele manipula naran no hela fatin,” katak ida husi komunidade Komoro, Antonio Amaral (29).

Antonio hatutan, manipulasaun ne’e sei prejudika kuandu fó sai rezultadu teste swab. Wainhira pozitivu sei defisil atu identifika ema nia hela fatin no identidade pesoál. Problema ne’e akontese ona iha Hospital Nasionál Guido Valadares (HNGV).

“Ami ba vizita maluk balun iha HNGV iha fulan kotuk. Hotu-hotu tenki forma tuir teste swab. Hau nia kolega ida nia la fó hatene nia naran kompletu no hela fatin ho lolos. Nune’e maka sujere tenki halo teste swab foti ho identidade ruma,” sujere Antonio.(Lee notisia seluk iha jornál Timor Post)

No More Posts Available.

No more pages to load.