PN Aprova Votus Pezár ba Saudozu Deputadu Sabino Soares ”Guntur”

husi -150 views

Timor Post (25/01/2021)-Reprezentante povu iha uma fukun parlamentu nasionál hosi Bankada PLP, KHUNTO, FRETILIN, PD, PUDD, FM, UDT, CNRT, Segunda (25/1) hato’o sentidu kondolénsias ba omólogu matebian deputadu Sabino Soares “Guntur” ho votus unanimidade.

Meza parlamentu nasional mos deside hodi suspende atividade planaria hosi ne’e to’o lokraik ba ohin loron nusar sentidu de lutu ba saudoso deputadu Guntur nia mate no aban Loron tersa feira mak parlamentu nasional sei hahu hikas atividades plenaria

“Rezultadu votus ba falesimentu deputadu Sabino Soares Guntur, a favór 60, laiha kontra no abstensaun” deklara Prezidente Parlamentu Nasionál Aniceto Guterres iha plenáriu PN, segunda (25/1).

Deputadu Sabino Soares Guntur, hakotu is iha loron Sábadu (23/01) hafoin baixa iha Ospitál Nasionál Guido Valdares  inisia fulan Janeiru (04/01).

 Saudozu hosik hela káben Elizita Fatima de Jesus husi Liquica, hosi lisan Pisu-Lete, Suku Lau-nata, munisípiu Liquiça. Sira nain rua hetan dotadu ho oan nain 5, Selly Romance Guntur Soares, Salagueru Guntur Soares, Salaria Guntur Soares, Jemmore Ellymor Guntur Soares, Jé Guntur Kay Rala E. Fatima Soares.

Jornalista Julio Soares Salinas

Editor Mariano Martins