PM Taur Sei Servisu Hamutuk ho Prezidente Foun Ne’ebé Povu Hili

by -339 views
Primeiriu Ministru Taur Matan Ruak, ezerse nia votu iha Eskola Primária Metiaut, Imajen TP/ Jaime Pires

(Reportajen Jaime Pires/Editor Mateus da cruz)

Dili (Timor Post)- Primeiru Ministru (PM), Taur Matan Ruak, hatete, nia sei servisu hamutuk ho Prezidente foun ne’ebé mak povu hili, hodi kontinua tau matan ba estadu no nasaun ida ne’e.

“Prezidente foun ida ne’ebé mak povu hili, ida ne’e mak ita hotu sei servisu hamutuk ho nia, hodi tinan ba oin ne’e kontinua tau matan ba ita nia nasaun ne’e,” nia dehan hafoin ba ezerse nia votu iha Eskola Primária Metiaut, Sábadu (19/03).

Xefe governu ne’e mós agradese ba povu tomak Timor laran tanba durante kampaña eleitorál ba kandidatu prezidente repúblika na’in-16 ne’e la’o ho di’ak.

Nia hein katak sidadaun sira hotu labele tuur de’it iha uma maibé tenke sai husi uma ba sentru votasaun no estasaun sira hodi ezerse sira nia direitu.

No More Posts Available.

No more pages to load.