PM Taur Orienta MAE Ezekuta Osan Tun To’o Baze 

by -67 views

Timor Post (08/01/2021)- Ministru Administrasaun Estatál (MAE), Miguel de Carvalho Pereira simu orientasaun hosi Primeiru Ministru Taur Matan Ruak, kona-ba planu no implementasaun osan iha administrasaun lokál estadu sira.

“Simu orientasaun hosi Primeiru Ministru ba planu implementasaun osan iha administrasaun lokál estadu sira hanesan, munisípiu postu suku no aldeia sira hodi halo atividade sira iha ne’ebá”, Ministru informa ba  jornalista hafoin remata enkontru ho Xefe Exekutivu  iha Palasiu Governu, Sesta (08/01).

 Aleinde simu orientasaun Miguel mós informa ba Primeiru Ministru kona-ba planu ministériu nian  iha semana oin sei fó pose ba administradór Lautem, no Vikeke inklui mós Prezidente Autoridade Munisípiu Baukau.

Pose ba administradór munisípiu Lautem iha loron Segunda Feira, ba Prezidente Autoridade Munisipiu Baukau iha loron Tersa Feira, no fó pose ba Administradór Munisípiu Vikeke nia iha loron Kinta Feira semana oin.

Asuntu seluk Miguel hato’o ba PM iha tinan foun ne’e maka servisu Sekretariadu Tékniku Administrasaun Eleitoral (STAE) nian, ne’ebé  agora ne’e halo enkuadramentu legal preparativu sira hotu iha ámbitu eleitorál nian.

Jornalista: Jaime Pires

Editor Mariano Martins

No More Posts Available.

No more pages to load.