PM Taur Konvoka Reuniaun Ho KAFI, Jose Reis Auzénte

by -1.349 views
Ministru Prezidensiál Konsellu Ministru, Fidelis Manuel Leite Magalhaes, Foto TP/jaime pires

(Reportajen Jaime Pires/Editor Mateus da Cruz)

Dili (Timor Post)- Primeiru Ministru Taur Matan Ruak, Kinta ne’e konvoka reuniaun ho Komisaun Administrasaun Fundu Infraestrutura (KAFI), hodi ko’alia kona-ba projetu infraestrutura ne’ebé durante mandatu oitavu governu la’o hakdasak, maibé Prezidente KAFI, Jose Reis, auzente iha reuniaun ne’e.

“Ohin Primeiru Ministru konvoka reuñiaun ida ho KAFI no partisipa husi Prezidente Interinu (KAFI), Ministru Finansas, Rui Gomes, ho membru tomak KAFI nia, ne’ebé reuñiaun ne’e reuniaun alargada, inklui ha’u mós partisipa,” dehan, Ministru Prezidensiál Konsellu Ministru, Fidelis Manuel Leite Magalhaes ba jornalista sira iha Palásiu Governu, Kinta (10/03).

Nia hatete, objetivu hosi enkontru ne’e atu halo diskusaun kona-ba ritmu setor iha infraestrutura ninian, ida ne’e esforsu ida ne’ebé xefe governu halo atu fó orientasaun ne’ebé klaru kona-ba nesesidade servisu ho lalais hodi bele hetan solusaun ba problema sira ne’ebé mak sei inoede hela lalaok servisu sira iha area infraestrutura ninian.

Xefe governu mak sei orientá direta ba iha KAFI ho nia komponente sira hodi bele hetan solusaun ba problema sira no bele aumenta liután ritmu servisu infraestrutura sira nia atu nune’e ba oin ne’e Ministeriu sira ne’ebé mak servisu iha area infraestrutura bele kordena malu di’ak liután hamutuk ho Ajénsia sira hodi fó objetivu ida de’it mak rezolve problema infraestrutura.

Enkontru ne’e partisipa hosi Primeiru Ministru (PM), Taur Matan Ruak ho membru KAFI ne’e maioria partisipa hotu, hanesan Ministru Finansas (MF), Rui Gomes, Ministru Transporte no Komunikasaun (MTK), José Agostinho da Silva, Ministru Obras Públika (MOP) Salvador Pires, inklui mós Ajénsia sira hotu, maibé Vise-Primeiru Ministru no Ministru Planu Ordenamentu, hanesan mós Prezidente Komisaun Administrasaun Fundu Infraestrutura (KAFI), José Reis de’it mak la partisipa.

Antes ne’e Primeiru Ministru Taur Matan Ruak, hirus Ministru Obras Públika no Vise-Primeiru Ministru No Ministru Planu Ordenamentu, José Reis, hannsan mós Prezidente (KAFI), tanba sira mak impede infraestrutura iha tinan 2020 no 2021 inklui 2022, la la’o.

“Ha’u la hatene iha diretor jerál iha Obras Públikas nian, planu ordenamentu nian Ministériu Finansas nian, ha’u ko’alia instituisaun tolu ne’e tenke iha ho fundus infraestruturas, fundus infrastrutura mijeralvelmete ninia prestasaun la di’ak, iha tinan kotuk pursentu 26  Planu Ordenamentu, Obras Públikas, dada malu tun sa’e ADN tama tan Aprovizionamentu tama tan, dezastre naturais 2020 seidauk rekuperadu dezastre naturais 2021 seidauk rekupera hotu,” Taur dehan iha Salaun Ministeriu Finansas Aitarak Laran, segunda (07/02).

Tanba ne’e nia parte preokupa tanba Ministériu relevante sira la iha vontade atu haree assuntu infrastruturas sira.(Lee notisia seluk iha jornal Timor Post/asesu youtube Timor Post)

No More Posts Available.

No more pages to load.