PM Taur Husu Atleta Sira Hatudu Rezultadu Di’ak ba Nasaun

by -285 views
Primeiru-Ministru Taur Matan Ruak husik atleta kontijente Timor-Leste ba partisipa iha jogos SEA Games Vietname 2022, Imajen Esp

(Reportajen Jaime Pires/ Editor Mateus da Cruz)

DILI (Timor Post)- Primeiru Ministru (PM), Taur Matan Ruak, husu ba atleta sira ne’ebé atu kompete Sea Games iha Hanoi, Vietnam, tenke hatudu dixiplina no hatudu rezultadu di’ak ba nasaun tanba atleta sira reprezenta Timor Leste nia naran.

“Ha’u kontente, imi reprezenta nasaun ba iha jogu sea games, ha’u husu tenke hatudu dixiplina, rona treinadór, Jogadór sira labele ba hare malae nia andár no label ba fa’an matan haluhan tiha toba ne’e  dadeer tama kampu labele ona, ohin imi reprezenta ami tomak ne’e, 1,5 miloens, imi susesu ita susesu nasaun iha susesu,” Taur dehan hafoin hasoru malu ho Atleta sira iha Palásiu Governu, Kinta (05/05).

Nia hatete, besik ona komemora restaurasaun independénsia Timor Leste ba dala 20 nune’e atleta sira tenke esforsu maka’as hodi hatudu rezultadu ida di’ak ba nasaun no ba povu.

“imi labele haluha tinan 20 aniversáriu Independénsia, hanesan uluk ita reziste hasoru indonézia, dalaruma ha’u la hare televizaun satan imi lakon ha’u lakohi hare televizaun, tanba ha’u nia oan sira dehan, hare ba sira ba lakon tan, iha militár dehan a derrota e a mãe da vitória, kuantu mais imi lakon imi forsa atu manan tanba ita nunka lori buat ida derrota ne’e dota mundu, dota atu sukat ita nia an saida mak ita bele halo tan ne’e ha’u fiar imi bele reprezenta timor di’ak liu,” nia hatete.

Nia mós fó obrigadu ba Sekretáriu Estadu Juventude no Desportu hamutuk ho tekniku sira, responsavel sira husi  treinadór sira ne’ebé bele fó apoiu jogadór no atleta sira halo esforsu hodi reprezenta nasaun, Timor-Leste tomak.

Entretantu Primeiru Ministru mós dehan, ohin Prezidente Repúblika labele simu atleta sira tanba okupadu ho atividade.

“Aban dadeer nia sai, ohin nia enkontru barak loos maibé nia lori nia naran mós saudasoens parabeniza atleta no jogadór sira ne’ebé reprezenta rai Lafaek ida ne’e,”hakotu. (Lee notisia seluk iha Timor Post/Asesu You Tube Timor post)

No More Posts Available.

No more pages to load.