PM Taur Hakarak Embaixada Korreia Dezenvolve Liután Taekwondo Iha TL

by -172 views

Timor Post (01/02/2021)-Embaixadór Korea iha Timor-Leste Kim Jeong-Ho, segunda (01/02) hasoru malu ho Primeiru Ministru Taur Matan Ruak iha Palásiu Governu.

Hafoin enkontru  Kim Jeong-Ho hatete ba Jornalista iha enkontru kolia kona bá kooperasaun bilateral iha area rua maka taekwondo no haruka traballadór. Jeong-Ho dehan, Xefe Governu RDTL hakarak Korea Dezenvolve nafatin Taekwondo iha TL.

“Primeiru Ministru ohin hato’o ninia interese hakarak kooperasaun ho Korea iha area rua, maka Taekwondo no haruka traballadór ba iha Korea ninian. Taur interesante tebes dezenvolvimentu Taekwondo ninia iha Timor-Leste tanba, Taur uluk sei lidera F-FDTL produz Taekwondo ba Forsa sira, nune’e nia hakarak Taekwondo kontribui dezenvolvimentu iha Timor-Leste ninia”, dehan Nia.

Diplomata hatutan PM-TMR agradese ba kooperasaun iha area rua ne’e tanba bele haruka traballadór timoroan barak ba iha Korea, no la’ós ba servisu de’it maibé lori fila mós ho skill no hametin liután relasaun entre ema ho ema entre rai rua ne’e.

Entretantu iha are desportu la’ós taekwondo de’it maibé embaixadór Korreia dehan sei apoiu ba dezenvolvimentu area desportu futeból.

Jornalista            : Jaime Pires

Editor                    : Mariano Martins

No More Posts Available.

No more pages to load.