Pesoal Saúde ida pozitivu COVID-19: Iha Ligasaun ho Aviaun ida Aat iha Aeroportu

by -10 views

DILI—Pesoal Saúde ida ho idade 35 maske laiha simtomas ou asimtomátiku maibé konfirmadu pozitivu moras daet COVID-19 hafoin kuarentena obrigatóriu ho pasiente lubuk inklui pesoal sira halo kontaktu ho pasiente ida tún ho aviaun Austrália nian ne’ebé a’at hela iha Aeroportu Internasionál Nicolau Lobato, Komoro, Dili.

“Pesoál saúde refere ita izola ona iha sala izolamentu Veracruz Dili,” liuhusi konferénsia ba imprensa, Sábadu (16/01/2021), Dermatolojista Kordenadóra Jerál Komisaun Nasionál Covid-19, Odete da Silva Viegas.

Odete haktuir, pesoál saude ne’e kuarantene obrigatóriu iha ótel Novo Horizonte hamutuk ho ema na’in-18 kompostu husi pesoál saúde na’in-12, na’in-4 pasajeiru ilegál no na’in-2 pesoál ne’ebé kontaktu besik ho kazu pozetivu ho Aviaun Australia nian ne’ebé mak falla iha Aeroporto Internasionál Komoro Dili iha loron 13 janeiru 2021.

Total profesional saude na’in-12 ne’ebé tama kuarentena obrigatóriu tanba halo atendimentu ba pasiente sira iha izolamento Vera-Cruz (kazu pozetivu sira Covid-19) durante semana rua liuba, hahú husi loron 22 dezembru 2020 to’o iha loron 5 janeiru 2021.

Pesoál hirak ne’e hahú kuarentena iha loron 5 janeiru 2021, no bainhira kompleta loron 9 nia laran ekipa Vijilánsia Epidemiologia bá halo investigasaun no foti Swab teste.

Amostra Swab foti iha loron 14 janeiru 2021, rezultadu pozetivu relata iha loron 15 janeiru 2021

Close contact ka kontaktu direta iha na’in-11, sira ne’e hotu mak pesoál saude ne’ebé mak durante semana rua nia laran halo hela atendimentu ba pasiente pozetivu na’in-13 ne’ebé baixa iha izolamentu Vera-Cruz no hafoin muda ba iha konfinamentu obrigatória iha ótel Novo Horizonte.

Entertantu tuir dadus husi Ministériu Saúde ne’ebé  hahú husi loron 16 Janeiru 2021, Komulativu teste hamutuk ema na’in-17932, hein Rezultadu na’in-279, Komulativu Kazu          na’in-52,  Rekuperadu na’in-45+4=49, kazu foun na’in-1, atuál baixa na’in-7

Rezultadu negativu hamutuk na’in-17601, total kuarentena na’in-93 (Dili: 26, Munisípiu:  67), auto kuarentena na’in-84 (Dili:  84, Munisípiu: 0)Pasa ona 14 dias: 7327 (Dili: 6070, Munisípiu: 1257).

Jornalista Olga Soares

Editór Noémio Falcão