Pe. Evaristo : Jornalista Tenke Haklaken Lia Loos

by -196 views
Pe. Evaristo da Costa Soares

(Reportajen Olga Soares/Editor Mateus da Cruz)

DILI-Relasiona ho komemorasaun loron liberdade imprensa iha Timor-Leste, Pe. Selebrante Padre Evaristo da Costa Soares, liuhosi nia omilia, apela ba Jornalista timoroan hala’o knaar hodi haklaken lia loos.

“Jornalista hala’o nia Knaar hodi haklaken lia loos, maibé perigu tebes bainhira Jornalista sira la hala’o knar la Kaer ba prinsípiu, kuandu Jornalista mak hanesan bee iha talas tahan, tuir ema nia kbiit no ema nia hakarak, make jornalista sei lakon imi nia prinsípiu, tanba ne’e bainhira la kaer ba lia loos ikus mai ema sei utiliza sai hanesan instruments,” Pe. Evaristo hato’o lia hirak ne’e liuhosi omilia hafoin dirije misa ba loron Liberdade imprensa iha Kapela Surikmas, Tersa, (03/05).

Pe Evaristo hatete, apóstolu sira ne’ebé Jesus bolu la’o hamutuk ho Jesus iha nia vida públika durante tinan 3 nia laran saida maka sira haree, saida maka sira sente, sira nia moris hamutuk ho Jesus.

“Jesus ema kaer no fó terus ema oho nia, bainhira nia mate apostle sira fila ba vida normal sira hanoin katak hotu ona, maibé pelo kontrariu Jesus moris hias fali, jesus nia moris hias ne’e la hato’o, maibé Jesus buka atu bele mosu ba sira fó publikasaun ba sira sai nu’udar realidade verdade atu sira bele hatene no  labele duvida katak Jesus moris hias husi nia mate,”subliña.

Tan ne’e, husi realidade no lia loos ida ne’e maka sira ba haklaken ba mundu tomak, bazeia ba lia loos, fó sira nia aan tomak, tanba sira serve ba lia loos no justisa.

Nune’e ema ne’ebé iha profesionalizmu nia tenke haree no kuida hahalok sira hanesan, públika informasaun seem fonte mak se, nune’e halo ema duvida.

“Ho asaun nu’udar liafuan kasar Anjing Penjaga ne’ebé maka sai hanesan buat balun ba estadu ka governu nia servisu, atu sira labele pratika buat ne’ebé tuir sira nia hakarak, entaun jornalista nia servisu atu haree lia loos ne’ebé iha atu públika ba públiku tuir informasaun ne’ebé loloos,” haklaken.

Alende ne’e, Prezidente TLPU Candido Alves, hatete, loron liberdade imprensa nu’udar loron ida ne’ebé importante tebes ba jornalista sira hotu ne’ebé maka hala’o knaar iha mundu.

“Ohin ita mai hotu iha fatin ida ne’e ita nia belun boot ne’ebé uluk luta ba liberdade no ikus mai lia loos bele mosu ba Timor-Leste,” dehan nia bainhira remata kari ai-funan iha Semitériu Santa Cruz, Dili, Tersa (03/05).

Nia dehan, ohin halibur malu ne’e mós hodi fó omenajen ba jornalista hotu iha mundu, maibé ohin iha fatin ida ne’e maka sai fatin importante atu bele tau hanoin hamutuk hodi reza nune’e lia loos ne’e labele mate tuir ema hotu nia hakarak.

Tanba ne’e maka nia dehan, jornalista iha misaun ida de’it maski asosiasaun barak maibé jornalista hotu luta ba lia loos, tanba lia loos ne’e atu mosu, bainhira liberdade ne’e sei iha.

Iha selebrasaun Loron liberdade imprensa ne’e mós Asosiasaun Rua , TLPU no AJTL, fó omenajen sunu lilin ba saudozu Jornalista Max Stahl iha semitériu Santa Cruz.

No More Posts Available.

No more pages to load.