PD Hapara Kampaña Hodi Fo Omenazen ba Heroi Sira

by -642 views
Sekretariu Jeral Partidu Demokratiku, António da Conceicão

(Reportajen Jaime Pires/Editor Mateus da Cruz)

Dili (Timor Post) – Relasiona ho loron veteranus ne’ebé selebra ohin, Kandidatu Mariano Assanami Sabino deside la halo kampaña ba eleisaun prezidensiál tanba hodi fó omenazen ba Heroi sira.

“Iha loron ida ohin kandidatu Mariano Assanami Sabino la halo atividade kampaña tanba ohin dedikadu ba loron Veteranus ninian, Veteranus ne’ebé luta ba independénsia Timor Leste ninian” dehan Sekretariu Jeral Partidu Demokratiku, António da Conceicão, iha Salaun PD Kolmera, kinta, (03/03).

Portavoz hatete, atividade kandidatu Mariano nian ohin maka sei presta de’it omenajen no hapara ninia atividade kampaña loron ohin nian iha Munisípiu sira no mós iha rejiaun espesial Oe-Kusse.

PD iha nia hanoin ida maka dignifika no fó onra ba mártires, kombatentes no veteranus ne’ebé mak luta ba independénsia Repúblika Demokrátika Timor-Leste (RDTL).

“Partido Demokrátiku ne’ebé mak nomeia enjeñeiru Mariano Assanami Sabino hodi oferese nu’udar kandidatu nasionál hakarak atu hakruuk ba veteranus sira hotu nia sakrifisiu ba Timor Leste ukun rasik an e hakarak fó onra ba loron ida ohin nu’udar nia kandidatu unidade nasionál Timor Leste ninian hodi hametin sitiaussun sira hotu ne’ebé mak durante ne’e ita hotu hotu halerik” nia deklara.

Hafoin Konferensia Imprensa Prezidente Partidu PD ho nia Ekipa ba iha Jardin dos eróis Metinaro hodi kari aifinan no presta omengen ba veteranus sira ne’ebé durante dedika an ba Rai Doben Timor Leste ne’ebé fila ona ba Mundu seluk. (Lee notísia seluk iha jornál Timor Post/asesu you tube Timor Post)

No More Posts Available.

No more pages to load.