Passa Revista Namanas iha Dili, Polísia Kontinua Prende Karreta no Motorizada

by -1.048 views
Foto Espesial

Jornalista Jaime Pires / Editór Noémio Falcão

Dili (Timor Post)—Komandu Polísia Nasionál Timor Leste (PNTL) Munisípiu Dili liuhusi Unidade Tránzitu Rodo Viaria kumpri orden hala’o passa revista namanas iha sidade boot nasaun ne’e atu antisipa asidente no insidente iha viajen sira durante selebrasaun festa natal no simu tinan foun 2022.

Medida ne’e hala’o dadauk no kontinua prende karreta no motorizada sira ne’ebé uza kanu resin, dokumentu laiha ka mate no fasilidade sira iha transporte hodi fasilita viajen ho di’ak liu.

Komandante Unidade Tránzitu Rodo Viaria, Inspitór Domingos Sarmento Gama, Segunda (06/12/2021) ba Timor Post iha nia servisu fatin haktuir, iha loron ne’e sira konsege prende karreta-2 no motorizada hamutuk-20.

“Ita halo atividade pasa revista ne’e tanba tama ona ba loron boot hodi evita asidente no insidente, nune’e mós ita fó hanoin ba ita nia komunidade sira ne’ebé mak ho motor ka karreta, kuandu dokomentus mate ka xapa matríkula ruma la kompletu haruka sira ba trata kedas,” Inspetór Domingos subliña.

No More Posts Available.

No more pages to load.