Pasiente Ida Iha Izolamentu Vera Cruz Hakotu Ís

by -60 views
Ambulansia hodi transforpa pasiente Covid19

(Reportájem Reportajen Olga Soares /Editor Suzana Cardoso)

DILI (Timor Post) – Tanba moras komplikadu to’o fase ran no ikus mai identifika pozitivu Covid-19, pasiente feto ida ho idade 69 ne’e baixa iha izolamentu Vera Cruz hakotu ona ís. Mate isin asegura ona iha Hospital Lahane.

“Pasiente ne’ebé mate daudauk ne’e feto ida ho idade (69). Pasiente ne’e moras komplikadu. Inklui mós fase ran. Mate isin iha Hospitál Lahane. Asegura ona iha plowback plastic (plastiku mate nian-Red).”

Hateten ida husi parte Sentru Integradu Jestaun Krize Sala Situasaun (SIJK) ne’ebé lakohi temi naran, ba Timor Post iha Hospital Lahane, Tersa, (06/04/2021), wainhira konfirma konaba pasiente Covid-19 ne’ebé mate iha Segunda, (05/04/2021) kalan.

Nia hateten, tuir planu mate isin ekipa saúde sei lori sai hosi Hospital Lahane. Ba to’o iha Audian iha tan ekipa Koveirus (hakoi mate-Red), simu hodi lori ba iha semiteriu ne’ebé governu prepara ona iha Metinaru.

Tuir parte SIJK, família matebian sira hein ona iha Semitériu Matinaru. Mate isin to’o iha ne’eba, sei iha mós misa. Remata misa maka foin halot mate isin, iha fatin ne’ebé governu prepara ona spesifiku ba pasiente Covid-19 nian.

Fontes ne’e imforma, pasiente ne’ebé mate daudauk ne’e feto ho idade (69). Pasiente ne’e moras komplikadu inklui mós fase ran. Daudaun ne’e ekipa preparadu, inklui media sira hein ona iha Centru Convensaun Dili (CCD) hodi dezloka ba Hospital Lahane para akompañia mate isin ba Metinaru.

Antes ne’e iha Segunda, (05/04), iha Aroportu Nikolau Lobato Komoro, Vise Koordenadora, Odete da Silva Viegas mós preokupa ho impaktu elektrisidade ne’ebé mate loron tomak.

“Infelizmente, ami tenke halo mudansa ba pasiente sira husi Vera-Kruz ba iha Lahane. Se kondisaun iha Lahane maka seidauk permite ami tenke halo fila fali mudansa pasiente sira no pasiente sira tenke mai fali Izolamentu Vera-Cruz, bainhira fatin izolamentu Vera Cruz ita hamos hotu ona,” katak Odete ba Jornalista iha Aeropotu Nikolau Lobatu, Komoro, Segunda (05/04).

Nia hatutan, situasaun ne’e difikuldade mós ba eletrisidade iha teritoriu tomak ne’ebé mate loron tomak. Ida ne’e mós hanesan problema boot ida ba servisu saúde hotu.

“Ita hatene katak pasiente balun ne’ebé iha izolamentu Vera-Krus persiza mós oksijeinu, bainhira ahi mate sai mós problema boot ba iha profisionais saúde sira,” preokupa Odete. (***)

No More Posts Available.

No more pages to load.