Partidu Haat Deklara Apoiu Xanana Kandidatu ba Prezidente Repúblika 2022-2027

by -2.452 views
Foto TP: Jeremias Soares

Jornalista Jeremias Soares / Editór Noémio Falcão

Dili (Timor Post)—Partidu haat, kompostu husi Frenti Mudansa (FM), PDP, PLPA no APMT deklara apoiu inkondisionalmente ba Lider Nasionál no Karismátiku, Kayrala Xanana Gusmão kandidatu ba Prezidente Repúblika períodu 2022-2027.

“Hakarak divulga ba publiku no Povu Doben Timor-Leste tomak, no mós ba iha diáspora, katak partidu politiku haat fó apoiu tomak i úniku ba Lider Karismátiku Nasionál, Maun Boot Kayraka Xanana Gusmão, nu’udar kandidatu Presidente Repúblika ba períodu 2022-2027,” deklara Prezidente Internu FM, Egídio de Jesus, aliás Lá Manas Lá Malirin, iha Alekrin, Suku Lahane Oriental, Sábadu (20/11/2021).

Egídio dehan, Kayrala Xanana Gusmão, nu’udar Líder Karismátiku, ne’ebé ho istilu polítiku popular no povu doben Timor-Leste maioria sei hadomi.

Iha tempu inundasaun, Xanana sempre servi povu doben, hamos tahu ten, la hakribi iha valeta drainajen iha sidade Dili, merkadu Taibesi, to mos ba Uma kain barak, no mos iha Tasi Tolu.

Entretantu, husu kona-ba karik Xanana tula lima ba ema seluk. Egídio seidauk bele responde, tanba sei hein konferensia nasional husi partidu CNRT.

Iha biban ne’e, Prezidente husi partidu haat, asina kedan  akta final, hodi apoiu totalmente ba líder partidu CNRT ne’e. No iha tempu badak, partidu haat sei realiza konferénsia nasionál, tuir internál partidu ida-idak nian.

No More Posts Available.

No more pages to load.