Partidu CNRT Halao ona Konferensia Nasional, Deklara Mantein AMP no Forma Governu Dasia

husi -18 views

DILI-Partidu CNRT hahu halao konferensia nasional iha Sede CNRT, Bairro dos Grinlhos, Dili, Sabadu (07/03/2020), deside mantein ho Aliansa Maioria Parlamentar (AMP) versaun CNRT, PLP no KHUNTO maibe deside forma governu dasia ne’ebe sei involve partidu CNRT, PD, KHUNTO, UDT, FM no PUDD.

Konferensia ne’e lidera diretamente husi Prezidente CNRT, Kayrala Xanana Gusmao, no partisipa husi kuadrus partidu husi munisipiu 12 no RAEOA.

Konferensia ne’e halao hodi responde preokupasaun Prezidente Republika Francisco Guterres Lu Olo molok halo koligasaun foun hodi forma governu dasia.

Konferensia hanesan  sei halao mos  husi partidu KHUNTO, UDT, FM no PUDD. Inkuantu PD rasik halao tiha ona konferensia iha fulan kotuk. (cao)