Parseiru Internasionál Apoiu Governu Luta Hasoru Krime Tráfiku Umanu

by -181 views
Ministru Prezidensiál Konsellu Ministru, Fidelis Manuel Leite Magalhães

Jornalista Jaime Pires / Editór Noémio Falcão

Dili (Timor Post)—Timor Leste nia parseiru internasionál inklui  Estadus Unidus Amérika, Austrália, reprejentante Organizasaun Nasoens Unidas (ONU) partisipa reuniaun ne’ebé lidera husi Primeiru Ministru Taur Matan Ruak hodi diskuti estratéjia sira ba luta hasoru tráfiku umanu.

Parte hotu konsidera tráfiku umanu nu’udar krime ne’ebé nasaun hotu tenke tau atensaun ho sériu.

Hafoin reuniaun ne’ebé hala’o iha Rezidénsia Primeiru Ministru, Farol, Dili, Segunda (15/11/2021),  Ministru Prezidensiál Konsellu Ministru, Fidelis Manuel Leite Magalhães ba jornalista sira subliña, parseiru internasionál sira nia apoiu importante tebes iha luta hasoru krime tráfiku umanu iha Timor Leste.

“Tráfiku umanu ne’e krime global no krime internasionál ne’ebé tenke hetan atensaun,” Fidelis subliña.

Governu rekoñese dezafiu sira iha luta hasoru krime tráfiku umanu.

“Governu tomak bele esforsu másimu hodi bele luta kontra tráfiku umanu,” Fidelis hatete.

No More Posts Available.

No more pages to load.