Pároku Bekora Posse Konsellu Parokiál Na’in-65

by -26 views

DILI (Timor Post)— Arsebispu Arquidioseze Metropolitana Dili, Don Virgílio do Carmo da Silva fó posse ba konsellu parokiál Pároku Sagradu Kurasaun Jesus (SACROJES sigla Portugués), Bekora hamutuk ema na’in-65.

Serimónia ne’e hala’o iha Igreza Bekora, Domingu (15/08/2021) dader hafoin misa.

Amu Paróku Bekora, Domingos Maubere haktuir, ema hirak hili ba konsellu parokiál ne’e liuhusi eleisaun. No sira nia funsaun atu ajuda amu parokial ba servisu ne’ebé mak Bispu fó fiar ba Parókia.

“Sira nia papel mak atu kria kondisaun ba sarani sira labele falta Misa no balun mak buka hanorin sagrada eskritoriu Maromak nia hakarak atu lori sarani sira hatene hakribi sala,” Amu Maubere subliña.

Amu Maubere hatutan, konsellu parokial sira hanorin sarani sira labele falta kominiaun nafatin atu nune’e bele hamutuk ho Jesus.

Konsellu Pastorál lidera husi Maria Ximenes Dias, hanesan Kordenadór Jerál hamutuk ho nia estrutura sira mak hanesan Vise Kordenadór na’in ida, Sekretáriu na’in rua no tezoreira na’in rua, inklui ho komisaun haat kompostu husi estrutura no membru sira mak hamutuk 65.

No More Posts Available.

No more pages to load.