Parlamentu Nasionál Hakarak Harii Edefísiu Foun iha Kaikoli, Desizaun iha Governu

by -300 views
Ministru Assuntu Parlamentár no Komunikasuan Sosial, Francisco Jerónimo. Foto TP: Jaime Pires

Jornalista Jaime Pires / Editór Noémio Falcão

DILI (Timor Post)—Parlamentu Nasionál (PN) manda ona pedidu ba Primeiru Ministru (PM), Taur Matan Ruak atu harii edifísiu foun iha Kaikoli, Eis Edefísiu World Vision.

Konfirma ona katak pedidu ne’e iha ona Primeiru Ministru nia liman no sei hatun despaixu ba Ministériu Justisa hodi hala’o prosesu tuir mai.

Ministru Assuntu Parlamentár no Komunikasuan Sosial, Francisco Jerónimo ba Jornalista sira hafoin enkontru semanal ho Primeiru Ministru, Taur Matan Ruak, iha Rezidensia Farol, Segunda (08/11/2021) haktuir, deskuti dadaukassuntu ne’e.

“Ohin ha’u mai hasoru Primeiru Ministru, hato’o assuntu Parlamentu Nasionál nian kona-ba pedidu ne’ebé mak sira haruka mai relasiona ho futuru instalsaun Parlamentu Nasionál nian,” Francisco haktuir.

Nia subliña, tanba Prezidente Parlamentu Nasionál, husu nia ko’alia uluk ho Primeiru Ministru molok sira haruka karta maibé ohin Primeiru Ministru mós dehan, karta offisiál husi Parlamentu Nasionál to’o ona iha nia Gabinete.

“Sira nia pedidu atu husu rai mamuk atu halo edifísiu Parlamentu Nasionál, sira nia pedidu husu mak rai iha Kaikoli Eis World Vision iha Ministeriu Justisa nia oin,” nia hatutan.

Maske nune’e, tuir regra Primeiru Ministru haruka fali pedidu ba Ministeriu Justisa hodi haree ba nia prosesu tuir mai oinsá.

Tuir nia, rai ne’e nia medida boot oituan. Parlamentu Nasionál husu rai iha Kaikoli ne’e purvolta ektare ualu (8) ka sia (9).

No More Posts Available.

No more pages to load.