Padre Parókia Manatutu Administra Temporáriu Dioseze Baukau

by -658 views
Padre Alípio Pinto Gusmao Nu’udar Administradór Diosezanu iha Dioseze Baukau reprezenta Saudozu Amu Bispu Dom Basilio do Nascimento hodi simu dekretu Prezidente da Republika. (Foto TP/espesial)

(Reportájen Abrão de Jesus/Editor Suzana Cardoso)

BAUKAU (Timor Post) – Liuhosi enkontru episkopal Diosezanu nian hili ona atuál Padre Pároku Parókia Santo António Manatuto hodi provizóriu sai administrador Dioseze ne’e to’o iha Bispu foun.

Desizaun ne’e lee sai iha Katedrál Baukau antes misa requem ba Saudozu Bispu Basílio nia isin mate hahú. Tuir komunikadu númeru referénsia 01/Cc/ XI/2021 hateten  Ovagatura cede  episcopal  tuir kanóniku 416,  tan ne’e iha loron  31 Outobru 2021 koléjiu konsultores Dioseze Baukau ne’ebé prezide hosi Padre  Manuel Ximenes, SDB ho nia membru sira hanesan Padre  Evaristo Antonio da Costa, Padre Jose Gonzaga, Padre Benedictos Rando, Padre Tomas da Quino Guterres da Cruz.

Tuir norma kanóniku númeru 421/1 no tuir regulamentu estatutu koléjiu konsultores númeru 7 ne’ebe fo kompeténsia ba koléjiu refere hodi konvoka reuniaun no halo eleisaun ho votus segredu tuir prosedura tomak normas eleisaun nian ne’ebe prevé iha kanóniku númeru 164 to’o 179 hodi hili administradór Diozesanu tan ne’e iha oras tuku 10:30 kalan hili ona reverendu Padre Alípio Pinto Gusmao Atual pároku parókia santo Antonio Manatutu no Padre Alípio rasik  ho omeliasaun no ovidensia aseita votus hodi nomeia nu’udar administradór diosezanu iha dioseze Baukau hodi governa no Administra Provizoriamente Dioseze Baukau hodi hein ita nia Bispo foun

Baukau, loron 4 Fulan Novembru 2021, Sekretariu dos Konsultores Padre Jose Gonzaga, Vice Sanseler Diocese Baukau Diakonu Dionizio Guterres Saores.(***)

No More Posts Available.

No more pages to load.