Padre José Sequeira Husu Sarani Sira Atu Hadomi Ema Seluk Hanesan Ita Aan Rasik

by -293 views
Amu selebrante Estasaun Misionáriu Nossa Senhora das Grasas Lisi butak Manleuana, Padre Jose Sequeira, Imajen TP/amelia babo

(Reportajen Amelia Babo/Estaziadu Ermelinda Caet/Editor Mateus da Cruz)

Dili (Timor Post)– Amu selebrante Estasaun Misionáriu Nossa Senora das Grasas Lisibutak Manleuana, Padre Jose Sequeira, iha nia omilia durante misa kinta feira santa, (14/04), hatete, selebrasaun ohin loron nu’udar sinál sakrifísiu no domin.

Nia hatete, Jesus hatudu nia domin ba nia eskolante sira liu husi fase apostulu sira nia ain, no han kalan ikus hamutuk ho nia eskolante sira Jesus husu ba nia eskolante sira ‘‘imi hatene ha’u imi hatene nia mestre no imi nia na’i, imi tenke banati tuir na’i nia ain fatin’’.

Hodi na’i nia isin sara an ba mate iha Krús hodi hetan salvasaun ne’ebé ema hotu sei simu hodi hola parte iha sakrifísiu Eukaristia hodi moris tuir maromak nia ukun fuan sanulu liu-liu hadomi ema seluk hanesan hadomi ita nia an rasik.

Padre selebrante dehan, kinta feira santa fahe ba parte tolu importante hahuluk instituisaun ba Eukaristia no daruak nian maka instituisaun saserdote hodi servisu ba família uma laran buat tolu ne’e fo hanoin mai ita katak Jesus Kristu maka ita nia orasaun.

“ Jesus sadia no perdua ita ema nia sala maski ita halo sala barak maibe, nia nafatin perdua ita nia sala hotu ne’ebe ita halo, tanba ne’e iha semana Santa ne’e husu ita sarani atu banati tuir Jesus nia ain fatin hadomi ema seluk hanesan ita nia an rasik,” dehan tan.

Jesus hadomi ema hotu no perdua hotu, ida ne’e fó hanoin mai sarani sira katak iha semana santa buka atu hadomi malu kria pas hakmatek iha sosiedade nia leet hodi banati tuir Jesus nia ain fatin.

Jesus halo milagre oi oin hanesan halo tua no uvas paun, ikan nakfilak ba isin no ran hodi fahe ba nia eskolante sira, ida ne’e hatudu ba sarani sira katak sakrifisiu ne’ebe Jesus halo hatudu ba mundu katak maski nia maromak oan laiha sala maibé halo sakrifísiu ba hotu nia sala.

Tuir Observasaun diariu Timor Post iha terrenu anota iha oras tuku 8:00 kalan katak, sarani ferik, katuas Joven sira entuziasmu partisipa iha misa kinta feira Santa iha estasaun misionariu Nossa Senora Das Grasas Lisibutak Manleuana Selebrasaun refere fase mós apostulu sanulu resin rua nia ain.

Entretantu iha parte seluk, Padre Apolinario, dehan, selebrasaun Kinta-Feira Santa katak fiar hadomi malu liu husi serve malu.

“Ohin, (horisehik) liturjia iha kinta feira nian, ne’ebe mak hato’o mai ita iha  mensajen importante kona ba hahalok komuñaun iha fiar mak eukaristia no hahalok hadomi malu liuhusi husi serve malu no Jesus fase apóstolu sira nia ain”, dehan Padre Apolinario  liuhusi nia omilia iha igreja Nossa Senhora de grasa, Tasi-Tolu, Dili, Kinta ne’e.

Nia hatete, selebrasaun kinta feira santa hodi hanoin hikas domin Maromak nian ba ema

“Ita sarani nu’udar Maromak nia povu no nu’udar familia pertense ba Maromak nia reinu tau aas teb-tebes santa Eukaristia nian, nu’udar sentru ita nia moris ka vida atu lori ita hari metin sosiedade no igreja hodi  hakmatek no  kongresu”, nia dehan.

Padre Apolináriu akresenta, família ne’ebé mak responsabilidade boot tebes basa família sarani nuudar igreja doméstika nian mak aliserse  ba sosiedade no igreja rasik, sosiedade ne’e mak buras no hakmatek hodi hamoris sosiedade bainhira família no sosiedade nee moris di’ak no hakmatek ema sira iha uma laran hodi fó liman ba malu.

No More Posts Available.

No more pages to load.