Órgaun Estadu Tolu Deskuti Lei ba Advogadu no Assosiasaun Professional Sira

husi -302 views

DILI—Ministru Justisa (MJ) Manuel Cárceres, Prezidente  Tribunál Rekursu (PTR) Deolindo dos Santos, no Adjuntu Prokuradór Jerál Repúblika (PJR) Afonso Lopez partisipa iha audiénsia ho Komisaun (A) Parlamentu Nasionál trata asuntu Constitucionais, Justiça, Administração Pública, Poder Local e Anti-Corrupção   diskute proposta lei orden ba advogadu no lei asosiasaun publika professional.

Iha entrevista PTR Deolindo dos Santos, esplika prezensa iha PN hodi hato’o sira ninia hanoin kona bá diploma ne’e rasik.

“Ko’alia kona-ba lei advogadu sira nian, ne’ebé ke iha ona proposta husi governu, entaun mai hato’o tribunál nia hanoin, kona-ba diploma ninian rasik”, informa Presidente tribunál rekursu Deolindo Dos Santos ba jornalista sira iha Parlamentu Nasionál, kinta (04/03).

Deolindo adianta parte tribunál mós hato’o ona sira nia hanoin eskritamente ba Governu liuliu Ministériu justisa kona bá  lei orden ba advogadu no lei asosiasaun publika professional antes Governu  submete iha parlamentu nasionál.

“Diplomasia ne’e rasik, antes governu liuhosi Ministériu Justisa (MJ) lori mai to’o ne’e ami iha ona diskusaun balun ne’ebé ke iha ona ba Ministériu Justisa (MJ), liuhosi konsellu koordenasaun, alende ne’e mós ami hato’o ona ami nia hanoin balu no liu hosi eskrita ba governu”, haktuir Deolindo.

PTR tenik katak, marka prezensa iha PN  atu apoiu deputadu  sira oinsá no saida maka deputadu presiza tan iha diploma ne’e, atu hadi’a di’ak liu tan servisu advogadu sira nian iha futuru.

“Ne’e mak kestaun tékniku balun maka mai hato’o iha deputadu ba  komisaun A bele konsidera ba diskusaun ba komisaun A, ne’e, mós ba plenária iha Parlamentu Nasionál ne’e.

Entretantu proposta kriasaun Ordem dos Advogados Timor-Leste ne’ebé futuru sei hanaran OATL kontein ho total kapítulu VII (7) ho artigu 65.

Jornalista Estaziadu: Vincencio Elo

Editor                           : Mariano Martins