Organizasaun Mundiál husu Timor Leste Labele Halo Arma Nuklear

by -1.420 views
Ministra Negósiu Estranjeiru no Kooperasaun (MNEK) Adaljiza Magno

Dili (Timor Post)—Organizasaun mundiál hanaran The Comprehensive Nuclear-Test- Ban Treaty Organisation (CNTBTO) husu ba Timor-Leste atu ratifika lalais konvensaun bandu labele halo atividade nuklear.

Ministra Negósiu Estranjeiru no Kooperasaun (MNEK) Adaljiza Magno hatete, fó ona resposta pozetivu ba CNTBTO.

“Ha’u responde konvite CNTBTO nian sira husu para ida hodi ratifika lalais konvensaun bandu Labele halo atividade arma nuklear,” Adaljiza Magno dehan ba jornalista sira iha Palásiu Governu, Dili, Kuarta (23/12/2021) hafoin reuniaun Konsellu Ministru.

Adaljiza haktuir, Timor Leste asina ona akordu bandu halo atividade nuklear iha tinan 2008, maibé seidauk ratifika to’o agora.

“Agora ita hein atu ratifika de’it, tanba ami sei halo proposta ba Konsellu Ministru aprova depois lori ba Parlamentu Nasionál,” Adaljiza subliña.

Kestaun ne’e Primeiru Ministru Taur Matan Ruak apresia ba servisu ne’ebé mak MNEK durante hala’o iha estranjeiru.

“Primeiru Ministru kontente, nia apresia relatóriu ne’e, prontu, espera tinan oin ita bele organiza reuniaun ne’e ho di’ak,” nia afirma.

Tuir informasaun ne’ebé mak Timor Post asesu iha pájina ofisiál CNTBTO katak, Sekretáriu Ezekutivu simu MNEK Adaljiza Magno iha loron (18/11/2021) hodi halo diskusaun kona-ba kooperasaun ne’ebé hamutuk ho CNTBTO.

Durante nia vizita mós ko’alia kona-ba sistema verifikasaun internasionál inklui mós scientific and civilian applications, no haree mos sentru operasaun, no mós monitoriza sistema assume sira.

No More Posts Available.

No more pages to load.