Orariu Ba Maktoban Don Basílio, Bispu Dili-Maliana Prezide Misa Requem

by -330 views
Archebispu Arquidiocese Dili, Don Virgilio do Carmo da Silva,SDB no Bispu Diocese Maliana Don Norberto Amaral prezide misa requem ba Don Basílio iha Karwdeal Dili. (Foto TP/Agosto Sarmento)

(Jornalista Agosto Sarmento/Editor Suzana Cardoso)

DILI (Timor Post) – Archebispu Arquidiocese Dili, Don Virgilio do Carmo da Silva,SDB no Bispu Diocese Maliana Don Norberto Amaral prezide misa requem ba Don Basílio iha Katedral Nosa Señora Imaculada Conceição Dili.

Lee Notísia Relevante:Estadu-Governu La Mai Vizita Dom Basílio Nia Maten Isin Iha HNGV

Dom Basílio nia maten- isin sei rai iha Katedral Dili durante loron 2, Sabadu no Dominggu (30 to’o 31/10/2021) atu Sarani Dioseze 2 (Dili no Maliana). (Foto TP/Agosto Sarmento)

“Ita hotu reza ba Don Basílio nia klamar,” espresa Arsebispu Don Virgilio iha entrada misa hodi husu sarani hothotu hasa’e orasaun ba Maromak hodi harohan atu nune’e Bispu Don Basílio ne’ebé ninia pregrenisaun iha mundu ne’e hotu iha loron ohin, Sabadu, (30/10), aserta iha tuku 12:00 OTL iha Hospital Nasuinál Guidu Valadares (HNGV).

Lee Notísia Relevante:Diretór Klínika HNGV Esplika Prosesu Fó Salvasaun Ba Dom Basílio

Komunikadu hosi Diocese Baukau

Misa requem ne’e hetan partisipasaun masimu hosi Madre no Padre sira iha Diocese Dili nian, inklui mos sarani sira.

Observasaun Timor Post hatudu katak, mate isin Don Basílio to’o Katedral Dili tuku 19:30 OTL. Sarani ne’ebé hela besik aredor Katedral Dili sunu lilin iha Estrada. Sikun seluk mos sarani sira nadodon mai misa hetan seguransa hosi polisia Munisipiu Dili hodi fo seguransa, inklui regula movimentu transporte iha àrea katedral nian.

Lee Motísia Relevante:Kronolojia Bispu Dom Basílio Hakotu Is

Archebispu Arquidiocese Dili, Don Virgilio do Carmo da Silva,SDB no Bispu Diocese Maliana Don Norberto Amaral prezide misa requem ba Don Basílio iha Katedral Nosa Señora Imaculada Conceição Dili. (Foto TP/Agostu Sarmento)

Misa kalan nee leitura dahuluk leitura hosi Job no leitura daruak hosi Sao Joao, no evangellu mos hosi Sao João.

Arsebispu, rekoñese hakfodak rona notisia triste ne’e. Hakfodak mos semana nee sei fo ordenasaun ba Nailulik haat hosi Diocese Dili nian.

Lee Notísia Relevante:BREAKING NEWS: Amu Basílio Hakotu Is

Sarani sira tuir kisa requem ba Matebian Dom Basílio iha Igreja Katedral Dili. (Foto TP/Agosto Sarmento)

“Mate nee buat ida ita hotu la espera. Ita sente lakon,” haktuir Arsebispu nu’udar Amu selebrante misa hodi hatutan ema hothotu iha espesialidade Amizade ho Bispu Basilio nu’udar Nailulik durante tinan 25 ne’ebé husik istoria lubuk.

“Nu’udar Aman. Nu’udar maun, nudar pastor iha ita nia kreda iha tempu naruk. Obrigado ba Maromak fó Don Basílio mai Ita. Fó oprtunidade mai ita, idaidak besik ba Don Basilio,” dehan Don Vitgilio hodi hatutan.

Ita sei presija Don Basílio, hein katak Don Basílio halo tan buat ruma ba kreda nomos ba ita idaidak. Maibé Maromak nia planu oin seluk.

Tuir orariu ne’ebé Timor Post hetan katak iha loron 4 Fulan Novembru 2021 maka sei haloot iha Katedral Baukau nia oin.

Oráriu Provizoriu ba Maktoban D. Basílio, hahu husi dia 30/10-4/11/2021.

1. Dia 30-31/10/2021, Mate-Isin D. Basílio nian sei iha Katedrál DILI atu Sarani Dioseze 2 (Dili no Maliana).

2. Dia 1/11/2021 hafoin Missa iha katedrál Dili (Óras 8:30 dadér) sei transporta Mate-Isin ba Diocese Baukau (Fatin : Katedrál Baukau).

3. Dia 1-3/11/2021, Sei hamutuk ho sarani sira iha Dioseze Baukau tomak.

4. Dia 4/11/2021 hafoin Missa Requem ikus iha Baukau no halo’ot iha fatin nebe identifikadu.
(Óras Missa, Favór Konfirma Komissaun ou bele konfirma iha FB : Média Diocese Baucau).(***)

No More Posts Available.

No more pages to load.