Hasai husi Edisaun The Timor Post, Tersa, 10/01/2023, Hakerek Na’in: Domingos Maia
1) Maria Antónia Coutinho, atan manorin ida (ho tn 65); uluk hanorin iha EB Camea Rai- Hun; ikus hanorin iha EBF Becusse- Craic; no hakotu i’is, iha HNGV tan moras, iha loron 07/01/2023.
2. Uluk nana’in, atu hato’o de’it informasaun ida ne’e ba na’i-ulun sira iha Edukasaun Município Dili no Nasional nian: Atu atensaun ba manorin sira nebé mate ona. Dala ruma, iha diskriminasaun atensaun ba manorin sira nebé mak mate. Tanbasá? La hatene tuir.
Se Nasaun, liuliu Edukasaun Município Dili, hatene nanis ona katak metebian nia kontribuisaun naton ba Nasaun durante hala’o nia knar iha área edukasaun, mak tenke hatene mós tempu ida nebé nia husik no despede tiha ona kampu edukativu TL nian.
Ba hotu-hotu nia atensaun no domin, ami hato’o obrigadu wa’in.
2. Wah, triste tebes: Oho! Oho! Oho! Oho-malu nafatin!
Kultura paktu hemu raan saukati de’it. Hemu-raan bosun tiha to’o muta-raan nakfakar fali, la kotu de’it …
Kuidadu ba! See mak oho maluk ida ho kroat no mehik, nia mós sei mate iha kroat nia mehik- tutun”. Se la iha perdaun, sei tutan ba nia derasaan (…).
“Na’i P-RDTL preokupa ho omisídiu” iha rai-laran. Ne’e mak sai mós preokupasaun povu tomak TL nian.
Tan ne’e, mak la iha tan dalan- seluk mak urjente liu, selae povu tenke tane no hana’i PNTL & F-FDTL sira-nia servisu profisional nu’udar instrumentu Nasaun TL nian atu soi korajen.
3. “CNRT kondena polítika hasa’e taxa hanehan povu”.
Loos kedan! Maibé keta husik livre hela mós atu povu gasta-mohuk osan ba lia-moris, lia-mate; no gasta osan sosa painxon. Toman ne’e mak di’ak atu hasa’e povu nia moris? …
Dehan lei bandu tiha ona komersiante sira lori-tama fogetes/painxon housi rai-liur, maibé kal-kalan, festa painxon tarutu nab-naba lós halo ema ferik, katuas no bebé sira hakfodak.
Tama-borus housi nebé? Heran kai!!! …
4. “Editoral”,
Jornal Timor Post: “Afiliasaun sai lisaun no atensaun”.
a) “Sai Lisaun: Loos, Afiliasaun mak ponte-livre demokrasia hakat ba-mai ponte.
Sá lisaun di’ak ida mak eziste iha mota-sorin ba, atu aprende? Sai lisaun-di’ak ba see no housi see? Housi ida nebé gosta hakat liu ba- mai ponte- sorin; ou housi badaen ida nebé mak hadian tutan ponte-hakat nian; ou housi badaen-seluk? Matan-moris de’it ba ! …
b) Sai atensaun: Loos, buka de’it mak lisaun-di’ak ba maibé ho atensaun, basá imi-nia futuru iha imi liman rasik.
Liman-badaen ida tenke hatuur ri’in- ponte hakat nian ho besi- beton! Selae …
Mai ita aprende hakat ponte ho konxiénsia nebé moos iha festa EL-Par.
2,352 total views, 3 views today
Bele hare Video Seluk :
Subscribe to Timorpost
