Opiniaun: LA BELE DÚN DEPUTADU SIRA FAHE OSAN US$ 500.000,00 LA HO BAZE LEGÁL

by -72 views

José Boavida Simões

Estudante da Faculdade de Direito – UNTL

Alumni STIE Jawa Timur – Indonesia,

Membro RENETIL (Região Aitana) – Bali

FAKTU RELEVANTE JURIDIKAMENTE

Lei n.º 2/2020 de 6 de Abril, sobre a Autorização de uma Transferência Extraordinária do Fundo Petrolífero (LARTEFP) atribui valor US$ 500,000 (quinhentos mil dólares americanos) ba Parlamentu Nasionál (PN) hosi US$ 150,000,000 (cento e cinquenta milhões dólares americano) ne’ebé alokadu ba medida prevensaun no combate doensa COVID-19 [LATEFP art. 3.º n.º 2 konjuga ho n.º 1 al. a)]. Nune’e, elaborasaun ne’e mosu atu oferese esplikasaun balun kona-ba alokasaun no aplikasaun hosi valór orsamentál atribuídu.

  1. BAZE LEGÁL TRANSFERÉNSIA ESTRAORDINÁRIA HOSI FP

Liuhosi Lei n.º 2/2020 de Abril, sobre a Autorização de uma Transferência Extraordinária do Fundo Petrolífero (LARTEFP) PN  autoriza jestór operasionál hodi realiza transferência extraordinária hosi Fundo Petrolífero ho montante US$ 250.000.000,00 (duzentos e cinquenta milhões de dólares americanos) ba iha konta únika Orçamento Geral do Estado  (OGE) 2019 [LATEFP art. 2.º konjuga ho LFP art. 7.º n.º 1)]. Transferénsia referida lori finalidade tolu hanesan tuirmai: 1) finansia despeza relativa sira ba medida prevensaun no kombate doensa COVID-19 iha ámbitu fundo COVID-19 ho montante US$ 150.000.000,00 [LATEFP art. 3.º n.º 1 al. a) konjuga ho LFP art. 7.º n.º 1)]; 2) Finansia konta jerál tezoru até montante máksimu US$ 100.000.000,00 [LATEFP art. 3.º n.º 1 al. b) konjuga ho LFP art. 7.º n.º 1)]; 3) Atribui valór US$ 500.000,00 ba PN hosi montante US$ 150.000.000,00 ne’ebé prevista ona [LATEFP art. 3.º n.º 1 al. a) konjuga ho n.º 2 no LFP art. 7.º n.º 1)]. Bele dehan katak, valór atribuidu ba PN sei tama iha ámbitu Fundo COVID-19.

Liga ho situasaun atuál, de iure, RDTL seidauk iha LOGE 2020, nune’e, atu bele utiliza konta únika orçamento geral do Estado 2019, Governu, tenke hakat mai Regime de Duodécimo (RD) hodi bele aplika LOGE 2019 [LOGF art. 31.º n.º 1 al. b)] ne’ebé korresponde ho presupostu hosi LFP hanesan tuirmai: 1) Transferénsia hosi FP tenke halo iha forma eletrónika ba konta únika OGE 2019 [LFP art. 7.º n.º 1 (2.ª parte)]; 2) Transferénsia hosi FP la bele liuhosi montante ne’ebé aprovadu hosi PN iha LOGE 2019 [LFP art. 7.º n.º 2]. Bele dehan katak, kualkér transferénsia ne’ebé halo, tacita no necessariamente, korresponde ba dotasaun orsamentál LOGE 2019.

  1. BAZE LEGÁL EZEKUSAUN TRANSFERÊNCIA EXTRAORDINÁRIA

Iha Lei n.º 2/2020 de 6 de Abril, PN mos kria fundo COVID-19 (FCOVID-19) hodi finansia despeza sira relasiona ho prevensaun no kombate vírus SARS-Cov-2 no doensa COVID-19 [LATEFP art. 5.º n.º 1 konjuga ho n.º 2]. Fundo referidu utiliza ho finalidade atu finansia despeza sira relasiona ho prevensaun no kombate ba moras COVID-19 hanesan tuirmai: 1) Akizisaun medikamentu, material no ekipamentu médiku sira utilizadu iha prevensaun no kombate vírus vírus SARS-Cov-2 no doensa COVID-19, inclui kontratasaun servisu transporte aéro sira, kuandu nesesáriu [LATEFP art. 5.º n.º 2 al. a)]; 2) Instalasaun no manutensaun ba fatin sira-ne’ebé destina ba realizasaun karantina no izolamentu [LATEFP art. 5.º n.º 2 al. b)]; 3) Formasaun no operasionalizasaun profissional sira-ne’ebé envolve iha prevensaun no kombate vírus SARS-Cov-2 no doensa COVID-19 [LATEFP art. 5.º n.º 2 al. c)]; 4) Akizisaun no fornesimentu bens essenciais [LATEFP art. 5.º n.º 2 al. d)]; 5) Protesaun sosiál ba vitima sira hosi vírus SARS-Cov-2 no doensa COVID-19 [LATEFP art. 5.º n.º 2 al. e)]; 6) Despeza sira-seluk ne’ebé ba prevensaun no kombate vírus SARS-Cov-2 no doensa COVID-19 [LATEFP art. 5.º n.º 2 al. e)].

Hosi fundo referido, PN hetan atribuisaun ho valór US$ 500.000,00 hosi BA DEZENVOLVIMENTU POLÍTIKA NO PROGRAMA SIRA IHA ÁMBITU PREVENSAUN NO KOMBATE BA COVID-19. Katak sei liga ho finalidade ba prevensaun no kombate vírus SARS-Cov-2 no doensa COVID-19.

Fundo COVID-19 ne’e considera nu’udár fundo autónomo ida ho autonomia administrativa no finanseira [LATEFP art. 5.º konjuga ho Decreto-Lei n.º 12/2020 de 14 de Abril, art. 2.º n.º 1 no LOGF art. 27.º] tanba – liga ho problema atuál –  LOGE 2019 RASIK LA PREVÉ DOTASAUN ESPESIÁL BA COVID-19, inklui mós dotasaun orsamentál COVID-19 ba PN (katak dotasaun ne’e la prevê COVID-19). Mezmu nune’e, LOGE 2019 prevê dotasaun orsamentál jerál ida ba Reserva Contingência ba asuntu sira-ne’ebé imprevisível no inadiável  hanesan COVID-19 [LOGF art. 7.º n.º 3 konjuga ho art. 37.º no   LOGE art. 9.º n.º 10].

Bazeia ba SITUASAUN IMPREVIZÍVEL (LA PREVISTA IHA LOGE 2019) ne’e mak PN (Serviço do Parlamento Nacional) husu ajuda hosi Fundo COVID-19 hodi hala’o atividade sira-ne’ebé korresponde ho finalidade escrita iha Lei n.º 2/2020 de 6 de Abril. Katak, DOTASAUN ORSAMENTÁL BA SERVISU PN IHA 2019, IHA TIHA ONA NINIA FIM RASIK no LA PREVÉ PROBLEMA COVID-19. PN MOS LA BELE FOTI OSAN NARNARAN HOSI DOTASAUN ORSAMENTÁL NE’EBÉ NINIA FIM PREVISTA ONA IHA LOGE 2019 TANBA LOGF LA PERMITE ACTUS NE’E (Konsidera nu’udár ILEGÁL) [LOGF konjuga ho art. 14.º n.º 1].

IHA IDEIA BALUN KATAK, OSAN US$ 500.000,00 NE’E BA DE’IT DEPUTADU SIRA. Kuandu ko’alia kona-ba alokasaun ka dotasaun orsamentál ba PN tenke kompreende buat rua tuirmai: 1) loos duni katak PN ne’e Órgaun Soberania reprezentativu ba sidadaun timorense hothotu no konstituídu hosi Deputadu sira [KRDTL art. 92.º konjuga ho 93.º n.º 2], maibé; 2) nu’udár Instituisaun ida, PN mos iha ninia funsionáriu ne’ebé hala’o servisu iha direksaun oioin [LOFAP art. 31.º to’o 34.º]. Deputadu sira bele hetan benefísiu (katak bele hetan ekipamentu protesaun hanesan masker hodi proteje órgaun respiratóriu) hosi osan US$ 500.000,00 maibé la’os atu utiliza hotu ba sira de’it. Bele dehan katak, ORSAMENTU BA PN LA ABSOLUTAMENTE SIGNIFIKA OSAN BA DEPUTADU SIRA DE’IT, TANBA PN MOS IHA NINIA FUNSIONÁRIU SIRA-NE’EBÉ HALA’O SERVIÇO PN [LOFAP art. 31.º to’o 34.º]. Nune’e HANOIN KATAK OSAN US$ 500.000,00 BA DE’IT DEPUTADUde iure no de facto, LA LOOS!! NE’E DUNI ITA LA BELE DÚN LA HO BAZE LEGÁL KATAK, DEPUTADU SIRA SEI FAHE MALU OSAN US$ 500.000,00 NE’E. ITA BELE KRITIKA DEPUTADU SIRA, MAIBÉ, TENKE HO BAZE LEGÁL!!!

Agora mosu pergunta ida: “Nusa mak osan US$ 500.000,00 ne’e tenke ketak ba PN no la hamutuk de’it iha US$ 150.000.000,00 (Fundo COVID-19 nian)?” NE’E TANBA PN GOZA AUTONOMIA DA PERSONALIDADE JURÍDICA NO IHA AUTONOMIA ADMINISTRATIVA NO FINANSEIRA [LOFAP art. 3.º n.º 1]. Nune’e PN iha auto-regulasaun: 1) ba organizasaun no funsionamentu ba ninia administrasaun [LOFAP art. 3.º n.º 2 al. a)]; 2) ba estatuto jurídico ba pesoál sira-ne’ebé hala’o Serviço do PN (funsionáriu sira). Ikus liu osan US$ 500.000,00 ne’e sei ezekuta hosi SEKRETARIADU JERÁL PN tuir LOFAP, Lei n.º 2/2020 de 6 de Abril, Decreto-Lei n.º 12/2020 de 14 de Abril no Decreto do Governo n.º 7/2020 de 15 de Abril.

Fila fali ba ezekusaun transferência extraordinária, ikus liu, transferénsia ne’ebé efetua tiha ona ne’e, tenke integra iha LOGE 2020. Bele dehan katak, mezmuke nia utiliza regime Fundo Autónomo ou jerál, nia SEI INTEGRA IHA LOGE 2020  tanba, atualmente, transferénsia ne’e tama iha espírito RD (Rejime Duodésimu) nian  [LARTEFP art. 6.º konjuga ho LOGF art. 31.º n.º 2]. Nune’e, iha futuru, LOGE 2020 mos tenke prevé dotasaun orsamentál espesiál ba COVID-19, atu nune’e, fundu ba prevensaun no kombate COVID-19 bele hetan fatin espesiál iha DOTAÇÃO PARA TODO GOVERNO prevista iha LOGE 2020 tutelada hosi Ministério das Finanças [LARTEFP art. 6.º konjuga ho LOGF art. 31.º n.º 2]. ATU DEHAN DE’IT KATAK, FUNDO COVID-19 NE’E NINIA KARÁTER TEMPORÁRIU DE’IT, NO RDTL PRESIZA LOGE 2020 HODI RESPONDE COVID-19, MÁKINA ESTADU NO EKONOMIA SOSIEDADE [LARTEFP art. 6.º konjuga ho LOGF art. 31.º n.º 2].

KONKLUZAUN

Hosi esplikasaun balun ne’ebé aprezenta tiha ona, bele konklui katak: 1) Liga ho situasaun atuál, de iure, RDTL seidauk iha LOGE 2020, nune’e, atu bele utiliza konta únika orçamento geral do Estado 2019, Governu, tenke hakat mai Regime de Duodécimo (RD) hodi bele aplika LOGE 2019 [LOGF art. 31.º n.º 1 al. b)] no halo transferência extraordinária; 2) ORSAMENTU BA PN LA ABSOLUTAMENTE SIGNIFIKA OSAN BA DEPUTADU SIRA DE’IT, TANBA PN MOS IHA NINIA FUNSIONÁRIU SIRA-NE’EBÉ HALA’O SERVIÇO PN [LOFAP art. 31.º to’o 34.º]. Nune’e HANOIN KATAK OSAN US$ 500.000,00 BA DE’IT DEPUTADUde iure no de facto, LA LOOS; 3) FUNDO COVID-19 ne’e ninia karáter temporáriu de’it, nune’e RDTL presiza loge 2020 hodi responde COVID-19, funsiona mákina estadu no ekonomia sosiedade [LARTEFP art. 6.º konjuga ho LOGF art. 31.º n.º 2].

REFERÊNCIAS BIBLIOGRÁFICAS

AMARAL, Diogo Freitas. Curso de Direito Administrativo 2.ª Ed., Vol. 1, 11.ª reimpressão. Almedina: Coimbra, 1994.

AMARAL, Diogo Freitas. Curso de Direito Administrativo 2.ª Ed., Vol. 2, 5.ª reimpressão. Almedina: Coimbra, 1994.

FRANCO, António L. de Sousa Franco. Finanças Públicas e Direito Financeiro, Volume I e II, 4.ª Ed. . Almedina: Coimbra, 2007.

FRANCO, António L. de Sousa Franco e FERREIRA, Eduardo Paz. Colectânea de Legislação de Direito Económico. Almedina: Coimbra, 1996.

COSTA, Isidoro Viana. Curso de Economia Política (Mans). Faculdade de Direito da UNTL: Díli, 2019.

No More Posts Available.

No more pages to load.